Ai mynsiem ka AWWA ban wanrah jingiatylli

Ka Army Women’s Welfare Association (AWWA) ka la rakhe ia ka c ha 101 Area Shillong da ka jingshitrhem ryngkat ka thong ban wanrah ia ka mynsiem jong ka jingiatylli, ka jingsngewrit bad ka jingai bor ba ka AWWA ka la trei shitom wanrah ki kam pynroi naduh naduh ba la seng ha u snem 1966.Kane ka jingrakhe ba neh shitaiew lynter la sdang hynne ka sngi da ka Walkathon bad bud sa ka Har Ghar Tiranga Bike Rally bad pynkut hynne ka sngi da ki prokram pyninam ia ki kolshor, ki camp ai jingsumar bad kiwei.

Ka mat ba kyrpang na ka bynta ka jingpule, ka long ban pynroi ia ka sap bad ka bha ka miat jong ki shipai ba pha la jingim ban iada ia ka Ri (Veer Naris), ki khynnah bad ki longiing bad kumjuh ruh ki nongtrei kiba la shongthait. Haba kren ka Nivedita Malik, President ka AWWA ka pynpaw ia ka bynta ba kongsan ka AWWA ban pynkhlain ia ki lad jingiarap ia ki kynhun shipai. Ka la iaroh ia ka jingtrei shitom ki dkhot jong ka AWWA na ka bynta ka jingnoh synniang jong ki khlem da pyrkhat ia lade sha ka roi ka par jong ka imlang sahlang, ka jingpynkup bor ia ki kynthei bad ka jingbha jingmiat jong ki khynnah.

Ka long ka sngi ban kynmaw ia ka jingiaid shah, ka jingkhlain bad ka jingiatylli jong ka kynhun shipai bad ka bynta kaba donkam eh jong ka AWWA ha kaba pynriewspah ia ki jingim lyngba ka jingbha jingmiat, ka jingsngewrit lyngba ki jingshakri.