Ka SWKH ka District ba donbok ka don MLA/MDC ki seng riewlum: Metbah

Ki nongialam ka United Democratic Party (UDP) hynne ka sngi ki la pynskhem ia ki dkhot nongkitkam ba thymmai jong ka South West Khasi Hills District ba long ha Dorbar Hall, Mawkyrwat.Ia kine ki dkhot nongkitkam ba thymmai ka SWKH, la pynskhem da u President ka UDP u bah Metbah Lyngdoh ha ryngkat ka jingdonlang kiwei ki nongialam kynthup u bah Titosstarwell Chyne, u bah Renikton Tongkhar, u bah Robertjune Kharjahrin nalor kiwei de ki nongkitkam.Ki dkhot nongkitkam ba thymmai ka SWKH ki long u President ba Pius Marwein, General Secretary u bah Jestar Nongsiej nalor kiwei de.

Haba kren ha kane ka sngi u bah Metbah ula pynpaw ia ka jingsngewkmen namar ba kane ka District ka dang don ia arngut ki MLA na ka party riewlum kynthup u bah Pius Marwein bad u bah Renikton L Tongkhar.Ula ai mynsiem ia ki nongkitkam ba kin nang trei shitom bad ban don ia ka thong khnang ban nang pynkhlain shuh shuh ia ka party ha kane ka District.U President ka UDP u bah Metbah ula ong, “Kum ka party kam dei ban pynkhlain tang ha ki san ne hynriew bnai ha shwa ka por ilekshon hynrei donkam ban pynkhlain ban leit jngoh ia ki nongkyrshan ka party.”

Ula ong ba kum ki nongialam u sngew ba ka long kaba donkam ban don ka jingithuh kaba kyrpang ia ki nongkyrshan jong ka party.U bah Metbah ula ong ban long nongkitkam ha ka party dei ban don ia ka jingthmu ka jingkitkhlieh namar wei ba ka jingsdang leh politics ha ka party, ka long ka jingsdang jong ka jingjot jong ka party.“Kane ka District ka long kaba donbok namar ba ki dang don ia ki MLA, MDC ka party riewlum ka UDP,”ula ong bad bynrap ba kum ki nongkitkam ki nongialam ha shwa ban shim ia kano kano ka rai , dei ban shim halor ka jingai jingmut jong kiba bun balang.