Ka seng Khasi Student Union West Khasi Hills District Unit haka 28 tarik u Nailar 2025 hapoh ka jingïalam u Assistant General Secretary u samla Robin Nongrem bad u Assistant Sports Secretary u samla u kletomanik Nonglait ha ryngkat ka jingïadonlang ki dkhot ki la leit ban ïa kynduh ïa ka Deputy Commissioner ka Eastern West Khasi Hills District ban ïakren halor ka jingdheng kali kaba jur ha ka thain kynshi ha ka 27 tarik u nailar 2025 na ka jingïakob khwai dohkha bad khalai nusib ha Mawlangren harud surok bah National Highway 44E kaba la ktah ïa ki nongleit nongwan.
Ka seng ka la ïathuh ba ka jingwan ïakynduh ïa ka DC ka dei hadien ba ka seng ka la ioh pdiang ïa kiba bun ki jingujor na ki paidbah kiba la sahkut da ki kynta ha surok bah na ka jingdheng kali ha ka janmiet jong ka 27 tarik u nailar 2025 ha ka thain kynshi kaba la pynsyrtok ïa ki nongleit nongwan.
U samla Robin Nongrem ula ong ba kane kam dei shuh ka sien banyngkong ba kan mih ka jingdheng kali na ka daw ka jingpynlong ïa ka jingïakob khwai dohkha bad khalai nusib hapoh kane ka District. Ula kyntu ruh ïa ki nongpynïakob khwai bad pynkhalai nusib ba kim dei ban pynthut ïa ki nongleit Nongwan haba ki pynlong ïa kine ki prokram.
You may also like
-
Kem ki pulit Mawkyrwat ia u runar na Gujarat ba ‘Blackmail’ ia ka samla haduh ban pyniap ia lade
-
Ka jingialang ki ‘Scouts & Guides’ban kyntiew ka jingiatreilang ha ka imlang sahlang
-
Yn pyntreikam ia ka ICCC ha jylla kum ha Telangana: Conrad
-
Hadien ka jingtwa surok Laitlyngkot Bthah u ADC ban iaid noh na surok Laitlyngkot-Umthli-Laitkynsew
-
Ka Jylla kan leit iakren bad ka sorkar Pdeng ban pynjynsur ia ka Mining Lease ban tih dewiong