Ka Sorkar Jylla ka la rai ban pyllait paidbah ia ka kaiphod ka Independent Inquiry Committee, kaba la thung ban tohkit ia ki jingkynnoh halor ka jingthied tiar, ka Aggregate Technical & Commercial (AT&C) loses, bad ka rukom thungkam ka Meghalaya Energy Corporation Limited (MeECL) lem bad ki lai tylli ki shnat jong ka. Ïa kane la rai la pynbna da u Myntri Rangbah ka Jylla u Conrad K Sangma bad ula ïathuh ka Sorkar ka dang shu ioh pdiang ia ka kaiphod Independent Inquiry halor ka jinglaitlan ka pisa na ka jingdon jingem jong ka MeECL.
Haba kren sha ki lad pathai khubor u Conrad ula ïathuh ka kynhun tohkit Independent Enquiry ba la thung da ka Sorkar Jylla ban tohkit ia ka jinglaitlan ka pisa jong ka MeECL bad kiwei ki tnat sam bording. “Hadien ba la ioh pdiang ia ka kaiphod ka Sorkar ka la bthah ia ka tnat Bording ban pynthikna ban pyntreikam hok ia ki jingai jingmut ka kynhun tohkit bad ngi la bthah ruh ba ia ka kaiphod dei ban pyllait paidbah” la ong u Conrad.
U Mynri Rangbah ula ïathuh ia ka kaiphod jong ka Independent Inquiry yn thep ruh ha Website ha ki sngi ban wan khnang ba ki paidbah kin lah ban bishar ia ka kaiphod.
You may also like
-
Hadien shisnem tam ba pynjari President RuleThaw sorkar ka BJP ha Manipur, u Yumnam Khemchand kum CM
-
Ka New Shillong Water Supply Scheme ka kynthup 32 ki shnong
-
Palat T. 35 Lak tuh ki runar na ka ATM ha Mylliem
-
Plie u Myntri sorkar ïa ka Sampoornata Abhiyan 2.0 : 5 tylli ki KPI yn peit ka Ri Bhoi
-
Ïakhih ka RBDCC pyrshah ïa ka skhim bylla 125 sngi ka BJP