Ka Sorkar Jylla hynne ka sngi ka la rai ban thung ïa u Chief Secretary (CS) ka Jylla u Bah DP Wahlang kum u Chairperson jong ka Meghalaya State Food Commission. Ïa kane la pynbna da u Myntri Rangbah ka Jylla u Conrad K Sangma hadien ka jingïalang jong ka kynhun Myntri Sorkar.
Haba kren sha ki lad pathai khubor u Conrad ula ïathuh ia ka kyrteng jong u Bah DP Wahlang la tyrwa da ka Committee ba la thaw da ka Sorkar ban wad ia ki dkhot jong ka Commission. U Conrad ula ïathuh nalor u Bah DP Wahlang ka Sorkar ka la mynjur ruh ia ka kyrteng jong u Dr Meshwa Tyngkan (Retired Officer) kum dkhot (Member) jong ka Meghalaya State food commission.
“Ka Committee ka la mynjur ïa kine 2 tylli ki kyrteng bad ka kynhun Myntri ruh ka la ai ka jingmynjur” la ong u Conrad. Lah ban kdew ba u CS ka Jylla u Bah DP Wahlang IAS un shongthait noh ha ka 30 tarik Nailur 2025.
You may also like
-
Dawa ka KSU ban mynjur da ka Resolution ban pyrshah tih Uranium ha Domiasiat
-
Bam khniang u Riewhadem, lyniar ki nongrep ha WKH
-
Pynshlur u Lamphang ia ki samla ban shakri ban pynkylla ia ka lawei
-
U dewiong um neh junom, donkam kiwei ki lad kamai, ong ka Santa Mary
-
Ka sorkar kan khang noh ban wanrah sniang na shabar jylla ‘Shah ktah ki nongrep na ka African Swine Flu’