U MLA ka National People’s Party (NPP) na Raksamgre constituency u Limison D Sangma hynne ka sngi ula shimti kum u Deputy Speaker bathymmai ka Iingdorbar Thawain ka Jylla Meghalaya. Ia kane ka rai la pynbna da u Lamphang ka Iingdorbar Thaw Ain u Thomas A Sangma hadien ba ki sengsain pyrthei ba don ha ka Liangpyrshah, kata ka TMC bad ka VPP kim shym la pynieng kyrtong. U Lamphang ka Iingdorbar Thaw Ain, ula pynbna ba u Limison D Sangma ula jop suk ia ka shuki Deputy Speaker khlem don ba iakhun pyrshah.
Hadien ba la dep pynbna na ka liang u Myntri Rangbah ha ryngkat bad u Nongialam ka Liang pyrshah u Dr Mukul Sangma ki la synran lang ia u Deputy Speaker sha ka jaka shong bathymmai. Lah ban kdew ka shuki Deputy Speaker ka la thylli hadien ka jingiehnoh kam u Timothy D Shira kum u Deputy Speaker naduh 8 tarik Nailur, 2023.
Haba kren sha ki lad pathai khubor u Deputy Speaker thymmai u Limison D Sangma ula ong, ba kum u Symbud Lamphang jong ka Iingdorbar un trei hok ia ka kam khlem da leh shilliang iano iano ruh ban pynsngew ia ka sur hapoh ka iing Dorbar.
You may also like
-
10 sngi ai por ban jurip ka tnad Tnat Urban bad DS Laitumkhrah
-
Ïaroh u Bah Hamletson ïa ka skul Lawsohtun Presbyterian ia ka jingshakri ha ki 75 snem ban ai jingstad ïa ki khynnah
-
Ther u Dr. Mukul ïa u MLA barim Mominin ba ki la shah ban thep kyrteng ban ïakhun MDC
-
Hadien 14 snem urlong ka Seinduli PHC, jurip u MLA Mawshynrut ryngkat ki Engineer
-
Wan nyngkong ka Meghalaya ha ka Ri ban kynjoh 86 percent ki skul ba lait na u duma