Lada ngim ioh ot kba ngin iap thngan, dawa u Waheh Shnong ban ai jingiada ia ki nongrep ha Lapangap

U Myntri Rangbah ka Jylla u Conrad K Sangma hynne ka sngi ula kular ban ai jingïada ia ki nongshong shnong Lapangap, West Jaintia Hills ka don hapdeng ka jingïakynad bad ki jaidbynriew Karbi na Jylla Assam. Ïa kane la pyntip da u Waheh Shnong Lapangap u Bah Deimonmi Lyngdoh hadien ka jingïalang bad u Myntri Rangbah ka Jylla u Conrad K Sangma ha ka jingdonlang u Symbud Myntri u Bah Sniawbhalang Dhar. Haba kren sha ki lad pathai khubor u Bah Deimonmi ula ong ba baroh ki tip iaka jingeh ba ki nong shong shnong Lapangap ki kynduh naka por shaka por namar ka jinshah pyndik haki jaidbynriew Karbi ka Jylla Assam.

U Bah Deimonmi ula ong ba haka jingiakynduh ïa u Myntri Rangbah, ki nong shong shnong Lapangap kila pynsngew ha u halor ka jingshah pynduh ki paidbah ban leit ot iala u kba watla mynta ka lah dei ka por ot kba. Ula ong ba ka jinshah pyndik haki jaidbynriew Karbi ka pyntieng bad pynsier mynsiem iaki paidbah ka shnong Lapangap ban leit shala ki jaka rep ban ot. “Ngi la dawa na u Myntri Rangbah ka Jylla ban ïakren bad ka Sorkar Assam bad ka Karbi Anglong Autonomous Council ba kidei ban pynsngewthuh iaki jaidbynriew Karbi ban shah ïa ngi ban lei tot kba” la ong u Bah Deimonmi.

U Bah Deimonmi ula ong ba lada ki nongrep ka shnong Lapangap kim ioh ban leit ot kba sa mynta ka kynti, kan poi u pud ba ki paidbah kin iap thngan. “Namar kata ngi la ban jur ba donkam ban pynbeit mardor iaka jingiakjia ha Lapangap khnang ba baroh kin im suk” ula ong.