Ki pulit jong ka Special Cell bad SOT ha ka sngi u Blei ki la ioh kem ia 5 ngut ki nong Bangladesh ha Lad ISBT, Mawlai Mawiong. Katkum ka kyrwoh na u Superintendent of Police (SP) ka East Khasi Hills, ula pyntip ba haka 26 tarik u Risaw haba ki la ioh ia ki jingtip kiba paka ba ki briew kiba suba jur ki dei ki nong Bangladesh kila wan sha Nongbah Shillong na Srinagar da kawei ka kali kamai, kumta ki pulit ka Special Cell bad SOT kila pynlong ia ka jingpynap bad jingkhmih bniah ha Lad ISBT, Mawlai Mawiong.
Ha ka por kumba 8:42 mynmiet, kawei ka kali kamai kaba don ia u nombar ML. 055 1358 ryngkat bad 5 ngut ki briew kiba shong hapoh katei ka kali, kala shah bat bad ha ka jingtohkit, kitei kiba don hapoh ka kali kim shym la lah ban pyni ia ki kot ki sla bad kila kubur ba kidei kiba na ka ri Bangladesh.Kine ki 5 ngut kiba la shah kem ki kynthup ia u Md. Alamgir Mia 25 snem ka rta uba na Habiganj, Bangladesh, ka Lelepa Begum 40 snem ka rta kaba na Silit Muli Bazar, Bangladesh, ka Musanat Jahana Khatoon 35 snem ka rta na Sonam Ganj, Bangladesh, u Md. Imammul Hassan 18 snem na Habi Ganj, Bangladesh bad u Md. Fajid Bilal 47 snem ka rta uba na Bangao, Bangladesh.
Kine baroh 5 ngut kila shah kem bad la pynngat ia ki kyndon ain bad ki pulit jong ka Mawlai Police Station mynta ki dang iaid shakhmat ha kaban pynlong ia ka jingtohkit.
You may also like
-
Seisoh ka jingiaid kjat 2 kynta shiteng u Bah Renik ha u 2020, treikam pura ka SCWSS
-
Ka ‘Humediam One-Stop’ ka dukan die doh bakhuid ha Jaintia
-
Nga kmen ha nga shimet, lada wan iasoh u Dr Mukul sha ka NPP
-
Ba khot ïakren u MR, sangeh iakhih ki nongtrei Muster Roll
-
Pynhap pyrda ar ngut ki Myntri ia ka jingrakhe dap 50 snem ka Govt Girls’ HSS Jowai