Ki nongialam ka Federation of Khasi Jaintia and Garo People (FKJGP) North Khasi Hills District, mynta ka sngi ki la leit ban iakynduh ia u Additional Deputy Commisioner uba bat ruh kum u Secretary ka District Selection Committee u Bah Raja Brahma, ban aiti ia ka dorkhas jingdawa ban wanrah ia ka thungkam thungjam ba khuid lyngba ka DSC.Ha kane ka jingleit ia kynduh ia u secretary ka DSC la lamkhmat da u President Bah Luistar Lyngdoh, u General Secretary Samla Ricky Majaw nalor kiwei kiwei ki nongialam bad dkhot ka FKJGP, North Khasi Hills District.
Haba kren sha ki Nongthoh Khubor, u Bah Luistar Lyngdoh bad u samla Ricky Majaw, ki la pynpaw ba ka jingthmu jong kane ka jingleit iakynduh ia u secretary ka DSC ka long ban pynpaw ia ki katto katne ki mat jingdawa ban wanrah ia ka thungkam thungjam kaba khuid kaba suba ha ki tnad treikam sorkar lyngba ka DSC.
Ki la pynpaw ba ki mat jingdawa ba la buh, ka long naduh ka jingpynpaw paidbah ia ka Answer Key bad ki Marks jong kito ki samla ba ia khun ban ioh kam ha ka official website jong ka District, ban pynpaw ruh ia ka kyrteng jong ki Kyrtong kiba la rung sha ka Personal Interview bad ban pynbna paidbah kham kloi lada don kino ki post kiba lait ha ki tnad sorkar bapher bapher ha ka District kaba dei ban iaid lyngba ka DSC.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station