Ka Block Level Chief Minister Youth Engagement Programme ba ar sngi jong ka Thadlaskeiñ C&RD Block ba la pynlong da ka ophis u District Sports Officer, West Jaintia Hills ryngkat ka ophis u Block Development Officer, Thadlaskein C&RD Block ha Kiang Nangbah Goverment College Auditorium, Jowai kaba la sdang mynta ka sngi 30/10/2025 bad yn pynkut la shai ka sngi 31/10/2025. Ka thong jong kane ka program ka long ban ai mynsiem bad pynshlur ia ki khun samla ba kin shim bynta ban pyni ia ki sap bapher bapher jong ki ha ki jingiakop bapher bapher.
Ha ka jingialang la ioh pynphai na u Lambor Suchen, Skill Development Officer, West Jaintia Hills, MSSDS, ula ong ba ka sorkar Jylla ka la ialeh katba lah ban pynkup bor bad ban kyntu ia ki khun samla ka Jylla da kaba wanrah ki prokram bapher bapher khnang ba kin lah ban sdang ia ka kam ka jam. Ula ong ka Meghalaya State Skill Development Society ka dei kawei na ki lad ki kabu ia ki khun samla ban pynjanai ia ki sap ki phong ba ki don. Ha kane ka sngi sdang la pynlong ka jingiakop rwai (group folk songs), iakop shad (group folk dance), iakop dro, iakop thoh khana, thoh poetry bad drama kaba dei shi bynta ban pyni ia ka jingriewspah ha ka riti dustur bad ka sap ki khun samla.
Shwa kane na ka liang u K. Passah, District Sports Officer, WJH ula pdiang sngewbha ia baroh kiba wan shim bynta ha ka prokram.
You may also like
-
Hiar ki heh UDP ha Jaintia ban pan jingkyrshan ia u kyrtong MP
-
Ki jingkiengjri ki sakhi ia ka jingstad ki longshwa ban pynneh ia ki dustur ryngkat ka mariang
-
Shah Jyrwat skhor u Bah Paul ba kynthoh ia u nongialam naduh ba bujli Myntri
-
Kawang Petrol Bom ki runar ia ka ophis DMR, julor ka kali, hiar jurip u MR bad CS
-
Ngin rung BJP na bynta ka bha ka miat ki paidbah