Ka Global Health Limited “Medanta”, kawei na ki shlem ai jingshakri shimet ha ka liang ka koit ka khiah na ka bynta ki jingpang bapher bapher ne ka multi-specialty tertiary care kaba bha kan sa treikam noh ha ka thain Shatei bad Mihngi ka ri India, ka la shim ia ka sienjam kaba kongsa bha ban ai ka jingshakri ha ka liang ka koit ka khiah kaba katkum kiwei ki ri ka pyrthei ha ka thain Shatei Lam Mihngi da kaba pynlong lehniam Bhoomi Poojan ha Guwahati kum ka dak jong ka jingsdang ka jingtei ia kane ka hospital kaba lah ban sumar ia ki jingpang bapher bapher ne ka super-specialty kaba 400 tam ki jingthiah ha ka nongbah.
Ia kane ka lympung la wan ban pynshngain da ka jingiadon lang jong u Myntri Rangbah ka jylla Assam U Dr. Himanta Biswa Sarma kum u symbud kongsan, bad u Dr. Naresh Trehan, Chairman & Managing Director, Medanta. Kiwei kiwei kiba la iadon lang ha kane ka sngi ki kynthup ia u Pankaj Sahni, Group CEO, Medanta, bad ki nongialam ba la rangbah na Assam bad ki nongshong shnong.
Kane ka jingtei ia ka hospital ba 400 tam ki jingthiah la tei ha ka Industrial Estate, Sarusajai, Guwahati kaba don ha surok bah National Highway 27 ha ka jinglut kaban kot 500 klur tyngka. Kane ka jaka ai jingsumar kaban iaryngkat ka jingtbit bad kiwei kiwei ki jaka ai jingsumar ha ka pyrthei kan ai ki jingsumar ha ki bynta bapher bapher kum ka Transplant program ne ka jingbujli ia ki dkhot met kiba don jingshitom (kynthup ia u khyllai, dohnud, u tor, u klongsnam, ki khlein shyieng bad yn leh ruh ia ka Robotic Transplant Program ne ka prokram ban bujli ia ki dkhotmet da kaba pyndonkam da ki robot); Ki jingpang klongsnam bad ka jingpuid ia u ne ka Cardiology bad Cardiac Surgery; ka Thoracic Surgery; yn lehr uh ia ka Peripheral Vascular Surgery; Paediatric Cardiology bad Paediatric Cardiac Surgery ne ka jingsumar klongsnam ia ki khyllung bad ka jingpuid ia u klongsnam ki khyllung kiba shitom klongsnam; Neurology, Neurosurgery, bad Intervention Neurology; Orthopedics ne ka jingsumar ia ki shyieng, kynthup ia ka jingbujli ia ki mat. Medical, Surgical bad Radiation Oncology ne ki jingsumar kiba iadei bad ka jingpang bampong ; Gastroenterology bad GI Surgery ne ki jingsumar kiba iadei bad ka snier; Nephrology bad Urology ne ki jingsumar kiba iadei bad u khyllai; Respiratory Medicine bad Intervention Pulmonology; ENT bad Head & Neck Cancer ne ki jingsumar kiba iadei ban ka jingpang bampong ha ka khlieh bad ryndang; Plastic, Aesthetic, bad Reconstructive Surgery; Endocrinology; Critical Care Medicine bad Trauma Emergency; Ophthalmology; bad Dentistry ne ka jingsumar ia ki bniah bad Maxillofacial Surgery, napdeng kiwei kiwei ki jingsuamr ba kyrpang, bad kumjuh ruh ban sumar ban lap ia ki jingpang ne Diagnostic Services, ba kynthup ia ka Labs, Radiology, bad Nuclear Medicine bad kumjuh ruh ban leh ia ka Preventive Health Check-up.
You may also like
-
Ka ICICI Prudential Life ka la nang iaid shakhmat lyngba ka Claim Settlement Ratio kaba 99.31% ha ka Q1-FY2027
-
Plie ka Siemens ia ka jingthep aplikashon na ka bynta ka sien ba 14 jong ka prokram ai scholarship ka jong ka na ka bynta ki khynnah ba pule engineering
-
Nang Pynkhlain Ka Tata Starbucks Ia Ka Jingdon Jong Ka Ha Ka Thain Shatei Lam Mihngi Da Kaba Plie Ia Ka Dukan Ba Nyngkong Jong Ka Ha Shillong, Meghalaya
-
Yn pile ka India Ltd’s Initial Public Offering la ka jingdie ia ki share ha ka NS Exchange
-
NANG PYNIAR KA HYBE INDIA IA KA JINGWAD IA KI RIEWDONSAP KA PATENG BAN WAN JONG KA RI INGIA, DA KABA WANRAH IA KA HYBE INDIA AUDITION: FINAL CALL SHA SHILLONG HA KA 25 TARIK U NAILUR