Ai mynsiem u Myntri ia ki samla pule ha ka District Level CM Youth Prokram

Ka District Level Chief Minister Youth Engagement Programme ba la pynlong da ka ophis u Deputy Commissioner West Jaiñtia Hills District bad ka ophis u District Sports Officer, West Jaintia Hills ha ki ar sngi lynter ha District Library Auditorium, Mynthong, Jowai ka la poi sha kaba kut mynta ka  6 tarik.Ka thong jong kane ka prokram ka long ban ai mynsiem bad ban pynshlur iaki samla pule ba kin mih shakhmat ban pyni iaka sap ka phong haki jait jingiakop bapher bapher.Bad ki jait jingiakop ha kane ka  Youth Engagement Programme kynthup ka Folk Dance, Folk Song, One Act Play, Quiz competition, Tug of War, Painting competition, Story Writing, Poetry writing, Declamation competition, Talent show, Guitar, Science and Innovation.Ha kane ka sngi pynkut iaka jingiakop la wan ban sakhi da u symbud myntri ryngbah ka sorkar Jylla u Sñiawbhalang Dhar, ryngkat ka jingdonlang u DC ka WJH u Abhinav Kumar Singh, u DSO WJH u Khroobok Passah bad kiwei.U symbud myntri ryngbah haba ai jingkren u iaroh ia ki sap ki phong ba la pyni da ki samla pule na baroh 4 tylli ki block ba hap hapoh ka West Jaiñtia Hills District, bad ong ruh naka liang ka sorkar Jylla kala ialeh ban wat lad halor kumno ban saiñ dur ia ki khun samla. Bad lyngba kum kane ka program lah ban iohi ruh ia ki riti dustur ka ban ai mynsiem iaki pateng.

U Sñiawbhalang Dhar u kyntu ruh ia ki khun samla ban shim kabu ia kino kino ki sien jam, ban pynjanai ialade lyngba ki jingbakla, ban iakhun trei shitom bad ban shaniah ialade.Ha kane ka sngi pynkut la sam khusnam shaki nongjop, ha kaba haka  Folk Dance category, ka Sohkha Government Secondary school kala ioh long nongjop, wan ba ar ka Nongtalang Government Secondary baroh ar ki dei napoh ka Amlarem C&RD block.Ha ka Folk song la jop ka Kiang Nangbah Government College Jowai wan ba ar ka Kiang Nangbah Higher Secondary school baroh ar ki dei napoh ka Thadlaskein Block.Ha ka Quiz Competition la ioh nyngkong u Diplanmi Talang bad u Plielad Shaphrang Syngkon kiba naka Kiang Nangbah Government College Jowai, wan ba ar  u Nibiang Lyngdoh bad ka Riwanka Pde kiba na  Government Boys’ Higher Secondary School, kiba napoh  ka Thadlaskein Block .Ha ka Tug of war jong ki shynrang ka St. Joseph Secondary School ba hap hapoh ka Namdong Block kala ioh ba nyngkong, wan ba ar pat ka Sawlyngdoh Higher Secondary School ba hap hapoh ka Laskieñ Block.Ha ka Tung of war jong ki kynthei pat ka Government Girls Higher Secondary School kala ioh rah nam jop, wan ba ar ka Kiang Nangbah Government Higher Secondary baroh ar dei kiba hap hapoh ka Thadlaskein Block.

Ha ka declamation contest la ioh nyngkong ka Wymhasa Gympad naka skul Government Boys Higher Secondary School, wan ba ar ka Twinklexilingshi Lyngdoh naka Kiang Nangbah Government College, baroh ar ki hap hapoh ka Thadlaskein Block.Ka nongjop ha ka Painting dei ka Dahunbiam Pohsngap naka skul Government Boys’ Higher Secondary school ba hap hapoh ka Thadlaskein Block katba  ka Antra Khong thok rem na Nongtalang College, ba hap hapoh ka Amlarem Block kala ioh ba ar.Ha ka Story Writing, ka nongjop dei ka Safica Tariang na ka skul Krist Syiem Secondary school ba ar ka Dahunmon Mukhim naka skul Government Boys Higher Secondary School ba hap hapoh ka Thadlaskeiñ Block. Iaka Poetry competition ka ioh nyngkong ka Philawanhun Lamare naka  Winter Adventist Higher Secondary school ba ar ka  Samlangki Pohthmi naka skul  Padu Higher Secondary school. Haka Guitar la jop u Homeiahdaka Langkiar ba naka Cadenza school of music took ba ar u Mangkara Sungoh. Ha ka  Science and innovation competition la ioh nyngkong u Ebankitlang Dhar bad u Sister Thubru naka skuk Little Flower Higher Secondary School Ummulong, wan ba ar ka Kongka Passah bad ka Durka pasah kiba na ka skul Seinraij Higher Secondary school.Ha ka  One act play la jop ka Government Boys’ Higher Secondary ba ar ka  Laishnong Higher secondary school Amlarem. Katba ha ka Talent show competition la jop ka  Government Boys Higher Secondary School.