U Symbud Myntri Rangbah ka sorkar Jylla u Sñiawbhalang Dhar ula ai sngewbha 50 tylli ki Laptop sha ki nonghikai ka Kiang Nangbah Govt College Jowai kumba ula dep kular mynshwa ha ka jingialang ha Hall ka Auditorium jong ka college mynta ka sngi (06/11/2025). Ula ong kine ki Laptop ula thied na ka tulop MLA ym na kiwei ki skhim da ka jingthmu ban kyntu kynrong ia ka pule puthi ha ki nonghikai bad ki samla pule katkum ka juk mynta.
Haba ai jingkren ha ka jingialang u Sñiawbhalang Dhar ula ong hapoh shi snem jong u 2026 u angnud ban pynkylla dur ia kane ka college ban kyntiew ia ka jaka lehkai sports, ban pynbha ia ka Auditorium Hall bad kiwei, khnang ba kane ka college kan long kawei na ki college ba don burom ban kyntiew ka pule puthi.
Bad kum u nongmihkhmat paidbah u ong ba u don ka jingangnud ba shisien ka sngi ka KNGC kan long kawei na ka college ba bha tam hapoh ka Jylla Meghalaya. Ula bynrap dang don shibun ba dei ban leh hynrei kam dei kaba suk namar hap peit lang ruh ia kiba bun ki skul ki college, khamtam ki skul LP, UP kiba dei ka shlem ba sdang saiñdur ia ka pule puthi.
You may also like
-
Ka VPP ka iada jinglong kyrpang ka jaidbynriew
-
Sdang ka Ri-Bhoi District Level Youth Parliament ba ar sngi
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit