U Myntri Rangbah ka jylla u Conrad K. Sangma hynne ka sngi ula leit buh mawnongrim na bynta ban tei ia ka Additional Secretariat Complex ha Dakopgre, Tura.Ha kane ka sngi, ha shwa ban sdang la buh jingduwai na ki nongialam niam na bynta ban kyrkhu ia kane ka jingtei jong ka sorkar kaban lah ban ai ka jingshakri sha ki paidbah ka rilum Garo.U Conrad haba kren ha kane ka sngi, ula ong ba mynta ka sngi la buh ia u maw nongrim na bynta ban pynieng ia katei ka ophis.
“Nga ai khublei ia ki nongialam niam, u Rev. Dilseng bad u Ft. Januarius, kiba la wan ban buh jingduwai ban kyrkhu ia ka jingpynieng paia ia kane ka jingtei. Ka jingdon ka Additional Secretariat kadei ka sngi ba kmen ia ki paidbah ka rilum Garo bad ka jylla hi baroh kawei, namar ba lyngba ka jingdon kane ka ophis kan lah ban wanrah shibun ki jingmyntoi na bynta ki paidbah baroh kawei,” ong u Conrad.
Ha kajuh ka por, u Myntri Rangbah ula leit jngoh ruh ia ka jingtrei bad u la pynpaw ruh ia ka jingsngewhun ia ka jingiaid ka kam.Ha kane ka sngi la donlang ruh u Deputy Commissioner ka West Garo Hills u Vibhor Aggarwal, IAS, Superintendent of Police, West Garo Hills u Abraham T. Sangma, IPS, nalor kiwei de ki ophisar sorkar.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam