Ka Iingbishar u First Class Magistrate ka la pyllait jamin ia saw ngut ki dkhot ka Meghalaya Commercial Truck Owners and Drivers Association (MCTODA) kynthup u President Bah Mosklandar Marngar u Bah Teibor Marngar, u Bah Thrangbor Lyngdoh bad u Bah Heibor Pariat mynta ka janmiet .
Ka jingpyllait jamin halor ki kyndon ba kin ai ka jingiatreilang ha ka jingtohkit bad kim dei ban leit shabar jylla ryngkat ka bai pyllait jamin mar T.20,000 uwei. Kum ban pynpaw ia kine 4 ngut ki nongialam ka MCTODA la pynngat 4 tylli ki Case hapoh Meghalaya Maintenance of Public Order (MMPO) Act bad Bharatiya Nyaya Sanhita (BNS).
Ia ki 4 ngut la shah kem ha miet 5 tarik Naiwieng na Mawryngkneng East Khasi Hills hadien ba mih ka jingkulmar hapdeng ki dkhot ka MCTODA bad ki Pulit. Ki Pulit ki la kem ia ki 4 ngut ki nongialam halor ka jingkynnoh ba ki dkhot ka MCTODA ki la kawang maw ia ki trok ba wan na ki thain Jaintia Hills nalor ka jingshoh bad thmu rahbor ia ki dribar trok.
You may also like
-
Khlad hashen u nongniah na ka jingtakhuh ki trok
-
Ka Meghalayan Age Pavilion ka rynsan pynisap ki trai jylla ba pyniasoh ka jingbei tyngka bad ki kam shangkai
-
Kynduh ka KSU ia u DC ban pynkynmaw ki jingdawa halor ka bording ilektrik
-
Shah khang khyrdep bun ki dukan bar jylla ha ka jingjurip kyndit ka JNC ha Khliehriat
-
Buh Mawnongrim u Myntri Rangbah ia ka Mini Secretariat ba T.17.76 klur ha Patharkhmah