U Myntri Rangbah ka Jylla Conrad K Sangma hynne ka sngi ula plie ia ka iingskul jongka Mount Hermon English School ha Mebitpara, kaba don hajan ka Dalu. Ia kane ka Iingskul la tei lyngba ka jingiarap lyngba ka Chief Minister’s Special Development Fund (CMSDF) kaba la mang m T. 5,96,000 lyngba ka Dalu C&RD Block ha u snem 2024-25.
Haba kren ha ka jingialang u Conrad ula ong ba ka pule puthi kadei ka kam kaba la pynleit jingmut bha da ka Sorkar Jylla bad watla ka long ka kam kaba bun ki jingeh hynrei ka sorkar kala pyrshang ban leh eiei ha kaban wanrah ia ki jingkylla da kaba pynbeit ryntih bad shim ia ki sienjam ki ban ai jingmyntoi ym tang ia ki khynnah pule hynrei ia ki nonghikai bad ki kynhun ba iadon byntalang ha ka kam.
U Myntri Rangbah ula ong, ba ka long ka sngi ba kyrpang namar ba kadei ha ka sien ka banyngkong eh ba ka kyrteng jong u bad ka kurim ka jongu ka Chandee A Sangma ka MLA ka Gambegre, kila mih kyrteng lang ha u mawthoh kyrteng bad kane kan long kaei kaei kaban sah jingkynmaw.
You may also like
-
Pynbna u Bah Prestone ban shna surok sha Mawkhap-Nongjri Wahskong
-
Pyni riam tynrai Khasi Jaintia bad Garo ha Paris
-
Thut ka rukom sam um ba bthei ki Pipe ba trei torti ka NHIDCL, kynnoh u Myntri
-
Yn buh kamera CCTV sa 20 tylli ki shnonng nalor ka Mawlai Mawroh
-
Tar hi u MDC ia ka plastik ïong na ka ïit kali ba shah rah ha Police Station