2 ngut ki samla pule ka skulbah North Eastern Hill University (NEHU) kila mynsaw jur hadien ka jingshah syllad ha ka kali Maruti Car ba don ïa u Number MLA 05 J 4918 ba ñiah da u nongap pahara (Security Guard) uba la shoh khawiang. Kane kala jia ha ka por 7:30 baje janmiet jong ka 17 tarik Naiwieng 2025 hajan ka Gate No-2 jong ka skulbah NEHU.
Ki samla ba mynsaw kidei kiba la tip kyrteng kum ka samla Daritngen Pohdukhei bad ka samla Stephanie Shadap, kiba pule ha ka tnat pule Chemistry ha NEHU. La iathuh ba ka kali Maruti Car ka dei kaba la pynher bha sted bha bad hashuwa ban rat ia ki 2 ngut ki samla kala tynrah shuwa ia ka Scooty bad hadien kane, kala rat ia ki samla pule bad tynrah ia ka khyrdop Gate No 2.
Ia kine ki 2 ngut ki samla pule la pynkit nyngkong sha Civil Hospital daka Ambulance bad hadien kata la pynkynriah noh sha Nazareth Hospital namar ki don hapdeng ka jingshitom kaba jur bha. Hadien kane ka jingjia, ki Pulit na ka Mawkynroh Outpost kila poi ha katei ka jaka bad kila kurup noh ia ka kali bad kem ruh ia u security guard uba ñiah ia ka.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam