Da ñiah Bicycle pynphriang khubor ïada Mei Mariang ka Ophis DSO

Shibynta ka thong ban pynneh pynsah ïa ka jing jyrngam jong ka Mei Mariang, Ka Ophis u District Sports Officer, Ribhoi District haka jingiasnohkti lang bad ka Ophis u Deputy Commissioner ka la pynlong ïaka program Ban pynshai paidbah halor ka jing long kongsan ban ioh iaka Mariang kaba khuid kaba suba ka bala tip kum ka Chief Ministers Youth for Green Campaign Movement 2025. Ïa katei ka program la ioh ban sdang shwa daka Jingïaid rally daki bicycle lane ka bike campaign ride kaba la sdang naduh na Indoor Hall Siaden haduh Ha khmat ka Nongpoh Shoping Complex iakaba la ia shim bynta daki Nongñiah Cycle ka kynhun Ri-Bhoi Cycling Association bad la bteng pat iaka program ha katei ka jaka iakaba la ia shimbynta lang daki nongialam ka Nongpoh Town Committee, ki khun samla pule lem bad kiwei kiwei.

Ka jingthmu jong kane ka Green Campaign Movement kaba dei ruh ka thong jong u Myntri Rangbah Ka Jylla, ka long ba pynshlur ïaki paidbah ban sumar bad kyrshan ïaka mariang lyngba ki kam lehkhuid kiba lah ban wanrah ka jingkylla haka mei mariang kaba ngi im man ka sngi da kaba pynduna ïaka jingpynmih ïaki jaboh, ban thung bad sumar ïaki dieng ki siej, ban pynduna ka jingpyndonkam ïaka bording ilektrik bad ruh ban nym pynsepei than ïaka um, ban pynkhuid ïaki sawdong sawkun bad kiwei kiwei kiba ngi lah ban leh man ka sngi.

Ha kane ka sngi la sakhi ruh da ka jingdonlang ka E Pradhan Assistant Commissioner ka Ri-Bhoi District, u Bah Bobby L Nongbet DSO, ka kong Rida Lyndem ka ophis u DSO, ki samla pule, ka kynhun ki nongñiah cycle na Ri-Bhoi bad kiwei kiwei.