Ha ka siennyngkong hynne ka sngi ka HQ 101 Area ka la pynlong ia ka Rajya Sainik Board Director’s Conclave kaba ar sngi ha nongbah Shillong ban ithuh ia ka jingeh kaba kyrpang bad ki jingdonkam jong kishipai kiba la shongthait na ka kam. Ki Shipai kiba dang trei ha ka kam bad ki shipai kiba la shongthait na ka kam ne ki Ex-Servicemen (ESM) jong ka thaiñ shatei lammihngi kila ioh ia ka jingiaroh ba kila wanrah nam bad burom lyngba ka jingtrei shitom bad ia ka jingshlur ka jongki.
Ha katei ka Conclave, la iatai shaphang ki mat kiba kongsan kiba iadei bad ka bha ka miat jong ki shipai, ka SPRASH (System for Pension Administration Raksha), ECHS (Ex-Servicemen Contributory Health Scheme) bad ka lad ban pynbeit ia ki jaka sah. La iakren ruh ha kaba iadei bad ka rukom treikam na ka bynta ka bha ka miat jong ki shipai kiba la shongthait kaban long katkum ka jingdonkam ba kyrpang jong ka thain shatei lammihngi.
Ki heh ophisar kynthup ia u Secretary jong ka tnad Ex-Servicemen Welfare, u General Officer Commanding (GOC) ka 101 Area Shillong, u Pension Comptroller of Defence Accounts (Prayagraj) bad na ka Directorate of Resettlement, kila wan ban iashimbynta ha ka jingialang ryngkat bad ki Director jong ki Rajya Sainik Board na kylleng ki jylla jong ka thain shatei lam mihngi ka ri.
You may also like
-
Ha Tura, Jowai bad Shillong yn pynlong ia ka Audition Miss Universe Meghalaya
-
Ka NCP kam ai lad ia ki bar jylla ban iakhun MDC ha GHADC
-
Ka jingiapher ki ktien kam dei ban wanrah ka jingiapait ha ka sain pyrthei
-
Ka jingkhang tih dewiong ka long kumba knieh pliangja kam long kaba suk: Conrad
-
Byrngem VPP ban khang tala ia ka ophis JHADC, lada ym siew tulob ia ki nongtrei hapoh 16 tarik