“Ka Wain ka dei ka kyiad ha ki Khasi kaba shna na ki soh”

Ka Meghalaya Fruit Wine Makers Association (MFWMA) ka la pyllong ia ka rynsan iathir ka ioh ka kot na ka jingpdem wain ne Meghalaya Economy Wine Summit kaba ar sngi ka la long ha State Convention Centre. Ka jingpyllong ia kane ka tamasa ka long kum shibynta ban kyntiew ia ka kam shet ne pdem wain kaba dang sdang khie ha kane ka jylla. U Vice President ka seng u bah Ioannis Shylla uwei na ki nongshet ‘yiad um (wine) bad u nongseng ka Damad Fruit Wine LLP, Mawlangwir, Markyrwat, ula ong ba ka wain ka dei ka kyiad ha ki Khasi, kaba shna na ki soh.

Ula ong ba ka rilum Khasi-Jaintia ka don shibun ki lad ki kabu ban shna ‘yiad um na ki soh ki pai kiba kham pher na kiwei ki jaka namar ka jingjur slap ha kaba mih bun jait ki soh ki pai.Ula ong ba kiwei ki soh kiba ioh nabar kim lah ban iakop bad ki jait soh kiba mih na kane ka jaka lajong ha ka jingmad.  U bah Ioannis ula ong ba um sngew rem lada ki ong ba u shet kyiad ha ka ktien Khasi hynrei sngewbha da ngam jylliew ban tip, wat ibein ia ka mariang ban pynjot namar ka wain ka pynbha ia ka mariang bad ki kynja ba im. 

Katkum ka kyndon, ka wain kam dei ban palat ia ka 15 percent ka jingdon u thiat. Ka don ruh ka jingiapher hapdeng ka ‘yiad um bad ka ‘yiad thang namar ba ka ‘yiad thang haba dih ka lah ban ktah ia ka met, ym kum ka ‘yiad um. La ioh ruh ia ka jingkren bad ki katto katne ngut ki nongai mad wain ha kane ka sngi bad ai jingtip ruh shaphang ka rukom pdem wain bad kumno ka bor jong ka wain kaba lah ban kick ne tied lada mad kham bun.