Ki briew ka Shillong Municipal Board hynne ka sngi, ki la bthah ia ki nongshong dukan ba kim bit ban pyntam ia ki mar ki mata jong ki shabar ka dukan hynrei ki dei ban buh khop hapoh ka dukan khnang ban ym wit ia kiba iaid ba ieng ha khyndailad. Ka SMB ka la kyndang ruh ia kito kiba pynmih tam ban ker da ka turpar, pyntam da ki siej ban wah ia ki mar ki mata bad ki phah thep ha dukan.
Kane ka sienjam kaba la leh ka Municipal ka long hadien ba la pynbna ia ka thain Khyndai Lad kum ka jaka bym shah shuh ban die madan bad ki dukan ki dei ruh ban bud ryntih ban ym shna tam shabar ka dukan ban phriang ia ki mar ki mata.
Ka sorkar jylla ka la kwah ban pyllong ia ka thain Khyndai Lad kum ka jaka kaba sngew tynnad ia ki nongleit nongwan ban iaid ban ieng kylluid bad khamtam ban khring ia ki nongwankai haba ki wan iuhkjat ia ka nongbah Shillong.
You may also like
-
Ïa shim bynta ki MLA Meghalaya ha ka jingïalang ha London
-
Ki paidbah ki kwah ban pyniar shuh ka lynti rel ha Garo Hills: DC
-
Bun tylli ki projek kam pynroi plie u Myntri Rangbah ha Chokpot
-
Rai ka JAC ban shong beit triang haduh da pyndam projek Ropeway
-
“Phi long ka mluh jong ka pyrthei,” ong u Lyngdoh Sohblei Rangbah ka Goa