Ngi kloi ban iatreilang bad ka NPP ha ka ilekshon GHADC: Hek

U Nongialam ka Meghalaya Bharatiya Janata Party (BJP) u Bah Hek u la pynthikna ba ka Party kan iakhun ha ka ilekshon MDC sha Garo Hills Autonomous District Council (GHADC) 2026. Haba kren shaki lad pathai khubor u Bah Hek ula iathuh ba ka Party haduh mynta ka dang peit thuh ia ki briew kiba wan pan Ticket ban iakhun ha ka ilekshon MDC GHADC. U Bah Hek ula kubur ba ka BJP kam lah ban iakhun na baroh 29 tylli ki constituency hynrei ula pynthikna ba kan pynieng kyrtong na ki katto ki katne Constituency ba ka don jingkyrmen ban jop.

“Ia ka mynta ngi dang peit thuh bad peitngor ia ki briew kiba wan pan Ticket na ka BJP ban iakhun ilekshon MDC GHADC bad hadien ba la bishar bniah ngin sa lah ban pynbna paidbah ia ki kyrtong ban iakhun” la ong u Bah Hek. U Bah Hek ula kam ba ki paidbah ka Meghalaya ki la phai khmat sha ka BJP namar ka jingiohi ia ki kam pynroi ba u Myntri Rangbahduh ka ri u Narendra Modi ula leh na ka bynta ka ri kynthup ia ka Meghalaya. U la bynrap ka BJP haduh ka la ioh pdiang shibun ki kyrteng kiba kwah ban iakhun na ka BJP.

Haba ia dei bad ka jingiateh lok bad ka National People’s Party (NPP) ha ka ilekshon MDC, u Nongialam ka BJP ula ong, “Hoid ngi kloi ban iatreilang bad ka NPP namar ngi la donlang ha ka Sorkar MDA I bad MDA II hynrei ngi hap ban peit shwa katno ngut ngin jop, lane katno ngut ka NPP ka jop ha ka MDC ilekshon ban wan”.”Kuma ngi donlang ha ka Sorkar MDA I bad II, ngi long kaba la kloi ban iatreilang bad ka NPP” ula ong.