Hadien palat 2 bnai bala khang ban iaid kali namar ka jingdkut ka bynta jong ka surok Shillong-Dawki ha rum ka shnong Laitlyngkot, mynta ka sngi, ki paidbah kila ioh ban pyndonkam biang haka leit ka wan shaki thain Dawki.
Lah ban kdew ba ka bynta jong ka surok harum ka shnong Laitlyngkot kaba dei jong ka surokbah Shillong-Dawki (NH 206) ka la dkut noh ha ka 21 tarik u Jylliew 2026 naka daw jong ka jingjur u slap.
Kane kala wanrah ka jingeh kaba jur iaki paid-bah ka thain thaiñ Riwar Mihngi bad Pynursla haba iadei bad ka leit ka wan.
Naka liang ka Sorkar Jylla, kala shimkhia halor kane bad kala bthah iaka NHIDCL ban wad ki lad lynti ban maramot iaka bynta jong ka surok.
Hadien ka jingbthah ka Sorkar, ka NHIDCL kala leh iaka ba donkam hynrei kala shimpor kumba 2 bnai ban pynbha bad pynïasoh biang ïa ka bynta jong ka surok kaba la dkut harum ka shnong Laitlyngkot.
Mynta ka sngi ka Ophis SDO Pynursla kala shah biang iaki kali ban iaid na kane ka bynta bad kala buh ruh da ki bor pulit ban pahara ha katei ka jaka, khnang ban pynïaid beit ïa ka leit ka wan bad ban pynneh ïa ka jingshngaiñ jong ki paidbah kiba pyndonkam ia kane ka surok.
You may also like
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla
-
Ther u Sosthenes Sohtun ba kynnoh ïa ka Meghalaya ba shlei um ka Assam
-
Shong Kyllain Mungor ki nongtrei PM Poshan, dawa pynkiew bainong
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District