Pynshai ka NEIGRIHMS ia ki lad jingiada ki jingjia aksiden

Ka North Eastern Indira Gandhi Regional Institute of Health and Medical Sciences (NEIGRIHMS), Shillong, ka la pynlong ïa ka Road Safety Seminar ban pynshai paidbah halor ka jingkiew ki jingjia aksiden kali ha ki surok, khamtam eh ha ka thaiñ shatei lammihngi jong ka Ri. Haba ai jingkren ha ka jingialang u Prof. Dr. BKS Sanjay uba la ioh khusnam Padma Shri uba long u President ka AIIMS Guwahati bad uba bat ia ka Guinness World Record ula pynpaw ka jingsngewkhia jur halor ka jingkiew ki jingjia aksiden ha ka ri kynthup ia ka Jylla Meghalaya. U la ban jur haduh 90% na ki jingjia aksiden ha surok ki mih na ka jingbym shimkhia jong ki briew bad kiba lah ban iada shibun. “Ka jingniah kali kulmar ka long ka daw ba kongsan kaba pynlong ia kane ka jingjia” la ong u Prof. Sanjay. “Ka dei ka jingeh ha ka jinglong kaba lah ban pynbeit lyngba ka jingpynshai ban ai jinghikai bad ka jingbud ryntih ia ki kyndon ba ia dei bad ka jingniah kali.”

Ula ong ka jingïap ha ki jingjia aksiden ha ki surok ha jylla Meghalaya ka kham bun ban ïa ka jingïap ha ka ri baroh kawei, wat ka tam ïa ki katto katne kiwei pat ki jylla ri lum, bad ula kdew ïa ki jingjia kiba bun kiba la jia dang shen bad ban jur ïa ka jingdonkam kyrkieh ïa ki lad jingïada. U Prof. Sanjay ula kyntu ia ki paidbah bad ki bor ba dei peit ban leh da kaba tyngeh. “Ka jingbud ryntih ia ki kyndon pyniaid kali, ka jingniah kali ba don ka jingkitkhlieh, ka jingai jinghikai shaphang ki kam niah kali, ki prokram ai jinghikai bad ka jingpyntreikam pyrkhing ia ki ain ba ia dei bad ka jingshngain ha ki surok ki long ba kongsan ban iada ia ka jingim jong ki briew”, ula ong.

U nongïakhih na bynta ka jingshngaiñ ha surok bad u doctor sumar bniat u Dr. Gaurav Sanjay haba ai jingkren ha ka seminar ula ban jur shaphang ki jingma ia ki jingjia aksiden ula ban jur ba ki sienjam ban iada ia ka jingdeng ïa ki helmet bad ka jingpyndait ia ki seat belt ki lah ban iada na ka jingma bad ka jingmynsaw.U Prof. Sanjay ula pynkut da kaba ai khublei ïa ki bor pynïaid jong ka NEIGRIHMS khamtam ïa u Prof. Bhaskar Borgohain, Head of the Department of Orthopaedics bad Prof. Star Palana ka Department of Community Medicine, NEIGRIHMS ba la ai ka rynsan ban iasam ia ki jingmut halor ka jingshngain ha ki surok.