Kum shi bynta ban noh synniang sha ka imlang sahlang, u MLA ka Mawphlang u Bah Beyondstar Kurbah ula pynshna bad aiti ia ki 5 tylli ki iing ia ki 5 tylli ki longiing kiba duk kiba don hapoh ka Mawphlang constituency.
U Bah Beyondstar ula pynshna ia kitei ki iing da kaba pynlut na ka tulop kaba u ioh man la u bnai, kum ka dak jong ka jingsngewlem na ka bynta ki longiing kiba mad ia ka jingjynjar kaba khraw ha ka jingim ka jongki bad ia kine ki iing la aiti sha ki 5 tylli ki longiing ha kine ki khyndiat sngi kiba la dep kum ka jingai sngewbha Snem Thymmai.
U MLA ula aiti ia kine ki iing kiba la dep pynshna sha ka longiing jong u Bah Bires Kharshiing ha Mawkohmon Mawphlang, ka longiing jong i Kong Ritngen Synteng Nongdhar ha Lyndoh Phanblang, ka iing i Kong Natasha Langstieh ha Mawngap Mawkharshiing, ka iing i Kong Batisha Kurbah ha Traw bad kawei pat ka iing ha Mawngaprim Khliehshnong kaba u MLA u la pynshna ia ka tnum bad ia ka kamra sum hadien ba u MLA ula ioh jingtip ba kila shu ker da ka plastik.
U Bah Beyondstar ula iathuh, ba ula buh thong ban pynshna haduh 100 tylli ki iing ha kine ki san snem bad mynta ula dep ban pynshna haduh 58 tylli ki iing da kaba pynlut na ka tulop kaba u ioh man la ka bnai kum u MLA.
You may also like
-
Shim bynta u Lat bad ki samla pule ban bam smai ia ki kular ka Nasha Mukt Bharat Abhiyan ban iakhun pyrshah ia ki jingdih ba sniew
-
Pdiang ka Kur Talang ia ka jingpynkylla u “Rahul Kumar” sha u “Pyndaplang Talang”
-
Sdang Ka Kyrsiew Tipkur Tipkha na Smit ban tehsong ia ki Kur bad pynneh ia ki riti dustur
-
Kylla dpei phra ki Iing ha Rilbong, ba bthei 3 ki tyndong lyer Gas julor ki mar
-
Kyrshan skul ka KSU ia 40 ngut ki khynnah na ki longiing ba duk