Ka District Magistrate jong ka Eastern West Khasi Hills District hynne ka sngi ka la pynjari ia ka 163 BNSS, 2023 ban mana shalan be-ain ne khaii tuh ia ki dohkha ba la wan kit na ka ri Bangladesh.Ha ka hukum la mana ban khaii ia ki dohkha na Bangladesh khlem ki kot ki sla ba biang, ki lieng bad kiwei ki tiar ban kit bad shalan ia ka dohkha bad ruh ia kito ki riewshimet ki kynhun ba don bynta ban pyniaid ia katei ka kam khaii be-ain.
Ka District Magistrate ka la pyntip ba la pynjari ia katei ka kyndon ain hadien ba la ioh jingtip ba don ka jingkhaii tuh bad pyniaid iew ia ki dohkha na Bangladesh ha ki jaka khappud bad wat ha ki iew ki hat. Namar kane ka ktah ia ka kamai kajih ki nongshong shnong, ka ktah ia ka shongsuk shongsain bad ka buh jingma ruh ia ka jingshngain hapdeng ka ri.
Ha ka hukum la maham tyngeh ba kino kino kiba ialeh pyrshah kin ngat ha ka jingshah pynsaja katkum ka kyndon jong ka 223 BNSS Act, 2023, bad kiwei ki Kyndon Ain kum ka BNS, Custom Act, Foreign Act, Passport Act bad kiwei kiwei.
You may also like
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone
-
U Tirot Sing ula shimti ia ka khet Syiem Hima Nongkhlaw naduh dang 10 snem
-
Pyntian smai u Sadon Blah ia ki nongkitkam ka HYNF Northern Region, u Robinson kum u President bathymmai
-
Pynpra ki longkmie ki jingker bad tala ba khang lynti ki briew na Assam ha Maikhuli