Yn rakhe Republic Day kaba 77 da ka jingïatylli ïa ka jingdon ki jaitbynriew

Kum shi bynta jong ka jingrakhe ia ka Republic Day kaba 77, ka ri India kan rakhe ia ka jingiatylli ia ka jingdon ia ki jaidbynriew lyngba ka rukom pyrkhat kaba biang bha kaba la pynwandur ia ki jingai sngewbha ia kito kiba la shah khot sngewbha ha ka iingsah ka President ka ri India bad ka jingai sngewbha ia kiban wan iashimbynta, kadei ban rakhe ia ka riti dustur tynrai kaba dang im jong ka thain shatei lammihngi jong ka ri India. Hapoh jong kane ka synduk kaban ai sngewbha ia ki nongshah khot sngewbha kadei kaba la ioh mynsiem na ki jingshna tynrai jong ka thain shatei lammihngi. Ia kaba la pynwandur da ka National Institute of Design (NID), Ahmedabad, kane ka jingai ia kiba shah khot sngewbha kadei kaba la pynwan da ka rukom pyrkhat ban ai ia ki jain bad ki tiar tynrai kiba la thain da ki kti ha ka ri India. Kaba wanrah lang ia baroh ki bynta na ka jylla Arunachal Pradesh, Assam, Manipur, Meghalaya, Mizoram, Nagaland, Sikkim bad Tripura bad ia kine la shna lyngba ka jingdon ia ka jingiatreilang kaba iajan bha hapdeng ki nongthain kti ka thain bad ka kynhun kaba pynwandur pynwandar.

Kawei na ki bynta kadei ka “Scroll’ kaba wah ha ki kynroh da kaba pyndonkam ia ki siej bad ki jingthain ban pynia ia ki kolshor bad ka riti dustur ba bunjait jongki jylla ka thain shatei lammihngi. Kane ka jingpynwandur kadei kaba la pynmih na ki 8 tylli ki jylla ka thain shatei lammihngi, ka jingshna ia ka Scroll kaba don ryngkat bad ki rong jong ki ksai ka lama ka ri, kaba lam sha ka rukom thain kaba kyrpang da ki kor kaba la pyndonkam salonsar da ki kynthei bad la sop da ka jingthain kti kaba don ia u painpoh, katei ka synduk ka don ia u shylliah siej uba la thain da ki kynthei ka Tripura, ka kot kaba la shna hi bad ka jingjlih jong ki jingshna lyngba ki siej. Ka Meghalaya ka la ioh ia ka bynta da ka jingdon ia ki siej jyrngam kaba la ai mynsiem da knup tynrai ban iada na u slap, kaba pyni ia ka jingiadei kaba jylliew ka jylla bad ka kam thain lyngba ki siej bad ka rukom im kaba iai neh. Ha ka bynta kaba hakhmat la pynwandur bad pynitynnad lyngba ki jingdro bad jingthoh ka jylla Assam kaba la bud pat da ki jingthung bad ki mrad kiba don ha ka thain. Kane ka scroll ka kynthup ruh ia ka rukom thain Thara ka Sikkim ryngkat bad ka Gogona, ka bynta kaba pyndonkam ha ka jingrakhe ia ka Rongali Bihu.

Kiwei pat ki kynthup ia ka Mithun Motif kaba la thain na u Monk Shugu ka kot sada kaba la pynmih hi kaba mihkhmat ia ka jylla Arunachal Pradesh. Ki siej bad ki jingdeng siej kiba la shna pyndait bha na ka jylla Tripura, ka jain Khiamniungan jong ki kynthei na ka jaidbynriew Naga, ki soh bad ka Puan Chei ka jainkup tynrai ki kynthei Mizo kaba ki kup ha ki jingialang kiba kyrpang. Ka Manipur kaba la pawnam ha ka Longpi Black Pottery, kala pynwandur da kaba shna na ka khyndew bad ki maw kiba iong, kidei ki bynta kiba kongsan bha.  Ki nongshah khot sngewbha kiba leit ban iashimbynta ha Rashtrapati Bhavan ha ka 26 tarik u Kyllalyngkot kin shah pdiang sngewbha da ki jain ryndia kaba pyni ia ka jingriewspah ka jingpynmih ia ki jain tynrai naduh ki por hyndai ha ka thain shatei lamihngi. Ka jain ryndia ia kaba la tip ruh kum ka jain jong ka jingsuk ne “Peace Silk” kadei shi bynta jongka ioh ka kot bad ka kolshor tynrai bad kane ka jain kaba deng kadei kaba la thain hi da ki kti.