U Bah PT Sawkmie, MLA barim u la ong ba tang shisngi la lah ban ai Inner Line Permit (ILP) bad ban weng ia u Vice Chancellor ka North Eastern Hills University (NEHU), lada mon u Myntri Rangbah duh ka ri u Narendra Modi bad u Myntri ki kam pohiing u Amit shah. U Bah Sawkmie u pynpaw ba u la mih snem thymmai bad ki khmih lynti ba ki mat ne issue kiba ia dei bad ka jaitbynriew ha une u snem 2026 kin urlong noh kum ka ILP kaba la slem bha kaba kum ka jaitbynriew ka la angnud.
Ki khmih lynti ba ka sorkar India kan mynjur bad ai noh ia ka ILP. Namar ha kine ki sngi kiba mynta la iohi ia ka jingsyier jong ki nongshong shnong ka jylla baroh kawei, khamtam ha ka jingwan rung kyrthep ki briew kiba har rukom. La iohi ba kane ka mat ILP mynta ka la khluit biang, kumta u kyntu ia ka sorkar MDA ba kan shimkhia ia kane.
U la ong ruh, wat ka sorkar Meghalaya Democratic Alliance (MDA) kaba ia trei ryngkat bad ka sorkar National Democratic Alliance (NDA) ba la ialam da ka BJP ha Delhi, hynrei u la iohi ba ka sorkar BJP kam burom ia ka sorkar MDA tang khyndiat ruh. Halor u Vice Chancellor ka NEHU u pynpaw ia ka jingsngewkhia ba ki samla pule ki mad jingeh, da ka jingbymweng ka sorkar BJP ia une Vice Chancellor uba ki samla ki la dawa ba dei ban weng noh ia u.
You may also like
-
Iamir jingmut ka sorkar halor ka jingsngewkhia ki paidbah ia ka projek Shillong Ropeway
-
Naduh 10 tarik yn pyniaid kali na ‘Sub-Way’ ha Shillong-Dawki
-
Pynshlur ki Nongïalam ia ki samla pule ka NIFT ban saindur ia ki kam ryngkat ki bor teknoloji
-
Phah ka sorkar Jylla ban thied jaka hapoh150 yard ha khappud India-Bangla ban ym duh ki trai shnong ia ki jaka
-
Bthah ka sorkar ban shna Sub-Way ha jaka ba twa surok Shillong-Dawki