Namar ka jinglynshop ki bor mariang ia ki mar rep u Myntri Rangbah ka Jylla u Conrad K Sangma ula lum kyrkieh ia ka jingialang bad ki ophisar ban khmih bniah ia ka jingshah pyn-julor ki mar rep na ka jing-hap u phria ha kylleng ka Ri lum Khasi, Jaintia bad Garo.
Ka jinghap phria ka la pynjulor ia ki jaka rep ha ri-lum Khasi, Jaintia bad Garo khamtam eh ha Tura, ha kaba u phria ba heh bha ula pynjulor ia ki jaka rep bad wat ki iing briew bad ki kali ruh ki la shah pynjulor uba la neh haduh 20 minit.
U Myntri Rangbah u la bthah ia ki ophisar ba kin peit bha ia ka jing-long jingman bad kin ai jingiarap mardor ia ki longiing ba shah ktah.
U la bthah ruh ia ki bor pyniaid district ba kin shim mardor ia ki lad ban maramot ia ki jingtei ba donkam man ka sngi da ki paitbah kyn-thup ia ka jingpynpoi ia ka umbam umdih, ka bording ilektrik bad kiwei ki jingdonkam ba kongsan.
U Conrad ula bthah ia ki ophisar ba kin peitngor bad iatreilang bad ki bor shnong ban lum jing-khein ia ki jingjulor bad ban leit ai jingiarap kham kloi ia ki paitbah kiba la shem lanot.
Ha kane ka jingialang la donlang u Chief Secretary, u Commissioner & Secretary ka tnad Revenue and Disaster Management bad ki Deputy Commissioner ki District kiba shah ktah na ka jingjia lynshop ki bor mariang.
You may also like
-
Ka KHADC ka dei ban kynra Trading License, ba khrong pisa ka Shillong Club ia ki nongwan kai ha Golflink
-
Pyrshah ka shnong Pynthorumkhrah ban tei Park T.25 klur ha madan Golflink
-
Ka Mawlong Nongtluh Weaving Center kan ai jingkyrshan ïa ki nongthaiñ jaiñ ka thain
-
Byrthen ïakhih ka KSU lada ym urlong ki 5 tylli ki mat jingdawa, kynthup ban pyndam ïa ka public hearing ka Shree Cement
-
Hukum ka Meghalaya HC ïa ka KHADC ban thung biang ïa u Ainam Manik kum u Syiem ba pura ka Hima Mylliem