Ai jingmut u Bah Disparsing ban thaw lad ai kam ïa ki thei iaid awria

Uwei na ki nongtrei mon sngewbha ne Social Activist ka jylla, u bah Disparsing Rani ula ai jingmut ia ka sorkar ba ka dei ban thaw kam thaw jam ia ki kynthei kiba iaid kam awria, khnang ba ki lait na ka jingniew bein bad ki jingeh. U bah Disparsing ula ong ba ka jingiaid kam awria ki kynthei kam dei ba ki leh namar ba ki kwah hynrei ka dei namar ba kim banse ban thom sha kane ka kam sang namar ka jingshem jynjar shem kordit. “Lada ka sorkar ia kiwei ka lah ban thaw kam thaw jam, ia kiba niah kulai ka lah ban pynthied Auto, ia kiba die madan ka lah ban pynshna dukan, ka sorkar kadei ban leh kumjuh ia kine ki kynthei kiba iaid awria kadei ban thaw lad ia ki, khnang ba kin lait na ka jingshah ban bein bad ki jingeh,” ong u bah Disparsing. Ha ka jingshisha, ka kam awria ne kam die met ka dei kaba beain ha India bad ki shu ia iaid laitlan bad kane ka la pynkharoi ia ka jingpang HIV, ong u bah Disparsing.

Ula ai jingiaroh ia ka jingtrei shitom ki pulit ban kem ia ki thei awria ha Khyndailad, ka dei kaba bha namar ba ka jingialeh thadlad ha madan madiah, ka long kaba jingjah burom ha kaba ka don ka iingmane hajan ha Khyndai Lad.Hynrei ha kajuh ka por, u bah Disparsing u la ong ba ban shu kynnoh pat ia ki kynthei ruh ba ki iaid ia kane ka kam, kam iahap satia bad dei ban wad ia ka daw bad ka daw ka dei namar ba ka jingbym biang ka kam ka jam bad na ka jingbym biang u khaw hadien ba la ioh khun, nangta ki jingshah ieh ha u lok bad ka kynthei kum ka nongri khun kam banse ban shim ia kane ka sienjam namar ka jingkit khun rei ban pyndap ia ki jingdonkam.U bah Disparsing ula ong ba ka jingkylli ka long balei ban shu beh ban sympat ia kito kiba iaid kam awria, balei ka sorkar kam lah ban shna kam, kumba leh ia ki nongdie da kaba ai jaka ba kin die jingdie khnang ban pyllait ia ki na ka jingeh.

U bah Disparsing ula pynpaw ia ka jingsngewsih ban iohi ba ka la wanrah ia kane ka jinglong jingman bad bun kiba ngiah wat ban wad lok namar ba ki la iohi ia ka jingjynjar.Ula ong ba katkum ka rekod, kumba 30-40 percent ki kynthei ki kit khunrei namar ka jingshah ieh ha u lok.Uwei na ki nongtrei monsngewbha ne social activist ka jylla, u bah Disparsing Rani ula ong ba katkum ka rekod, kumba 30-40 percent ki kynthei ki kit khunrei namar ka jingshah ieh ha u lok.Hynrei u la ong ba jingdie met kam dei ban long kaba leh thad lad, kaba leh khlem akor, namar ba ka jingdon ki thei nuti ruh ka don ka jingioh nong ban pyllait ia ka shongkha khynnah ban pyllen hynrei kam mut pat ba pynshlur ia ki ban leh ia kane ka kam.