Kum shi bynta ban plie lad iaki nongthain jain Ryndia, Sorkar Jylla kala pynkhreh ban plie thymmai iaka Textiles Hub ha Nongpoh Ri-bhoi district. Hapoh kane ka Textiles Hub yn don ki rynsan lane ki jaka na ka bynta ki nongthain jain Ryndia, ki nongtrekti bad ki rynsan ban pyni nam ia ki mar jong ki ban ailad iaki nongwan jngohkai ban sakhi iaki tiar. Lah ban kdew ba dang shen ka Meghalaya kala ioh jingithuh kum ka Jylla ba kyrpang hapoh ka Ri haba iadei bad ka jingthain jain Ryndia daka ba ioh iaka GI Tag.
U Myntri ka tnat Tourism u Bah Paul Lyngdoh u la pyntip ruh ba ka Sorkar Jylla kala rai ban kdup kham bun iaki shnong hapoh ka Jylla kiba paw haka thain jain Ryndia. U Bah Paul u la ong ruh ba ka Sorkar kan sa shim iaki sienjam ban kyrshan shisha ia kine ki nongthain jain Ryndia la kadei iaki riewshimet ne kum ka kynhun, khnang ban ai mynsiem iaki ban bteng haka kam thain jain.
“Ka long ka khubor kaba bha bad kaba sngewtynnad bha na ka bynta ki nongthain jain bad ki nongtrei kti jong ngi bad na ka bynta ka tnat Textiles bad kum ka Sorkar Meghalaya ba hadien saw snem ka jingtrei shitom khlem sangeh ngi la lah ban ioh ia ka GI Tag” la ong u Bah Paul.
You may also like
-
Iakhih ka HFU ba hiar dor ki mar rep
-
Ka KSU kan ym kynran dien ban iakhun ia kiba thmu ban pynkylla ‘langiong ia ki para doh
-
Hadien ka jingthwet ba kynnoh batbor Leit pyndem u Jonathan ha ki pulit Laitumkhrah
-
Phah jingthoh ki bah Hek sha u MR ban ai jingiarap ia kiba iap ha Lapalang
-
Ujor ejahar ba pynpra khyrdop JHADC