Ka Hima Sohra ka la pynkhreh ia ki katto katne tylli ki jaka na bynta ki nongwankai ba kwah ban wan shet wan tiew ban bam khana sngewbha ha ba ki wankai sha ka thain Sohra.
Kane ka sienjam ba ka Hima Sohra ka shim ka long khnang ban lait na ka jingpynjaboh ia ka mariang, ban neh ka jingkhuid ka jingitynnad kane ka thain bad khnang ba ki paidbah kin ym shet pathar harud surok.
Ki jaka ba ka Hima Sohra ka la pynkhreh ki kynthup ha Dympep, ha Laitsohpliah bad ha Mawmihthied ha ka lynti ka Shillong-Sohra.
Na ka liang u SDO Sohra ruh ula pynjari da ka kyndon ban khang pyrshah ia ka jingpyn-donkam kiba wankai ia ka rud surok kum ka jaka shet, jaka bam.
U President ka Hima Sohra Tourist Assistance Team u bah Alexson Diengdoh ula ong ba hadien ba u SDO Sohra Civil ula pynmih hukum bym shah shuh ban shet harud surok, ka Hima ka la pynkhreh ia ki jaka khnang ba kiba wankai ki bym kwah ban bam ha ki dukan, ne restaurant kin suk ban ioh ban wan shet hi bad bam pynngad katkum ka jingkwah jong ki.
“Kane ka sienjam ba la shim ka Hima Sohra ka long ban tehlakam bad khang lad ia ka jingpyllong jaka shet kiba wankai harud surok haba ki wankai sha Sohra kaba la wanrah ka jingjaboh bad ka jingisih ia ka jaka jngohkai,” ula ong.
You may also like
-
Sdang jot ka surok Nongstoin-Maweit,ap jingma ka jingkieng ha Risiang
-
Kyntait u Acting Syiem ban hiar khet, pan jingthoh ba la thung biang i’u Paiem Ainam kum u Syiem
-
Kynmaw ka tnad Lariti ia ki lanot bad ba lait im na ka jingphiah ka Ri India ha u 1947
-
Lada ka jingpynkylla ia ka FCRA ban klun ne pynduh jait kan long ka ain iakjakor’
-
Shah kem 2 ngut bad ïoh kurup 32.64 gram u Heroin