U Superintendent of Police ka Anti Narcotics Task Force (ANTF) u Giri Prasad ula iathuh ba ha u snem 2023-2024-2025 ka la don ka jingkiew ki kam khaii bad dih drok hapoh ka Jylla Meghalaya. Ia kane u SP ula iathuh haba kren haka sngi pynkup burom ia ki 8 ki Pulit ka ANTF. Haba kren sha ki lad pathai khubor u SP ka ANTF u Giri Prasad ula iathuh ba tang hapoh u bnai Nailar 2025 ki Pulkit ki la ioh kem haduh 95 ngut ki nong khaii drok.
U SP ula iathuh ba bun ka jingioh kurup drok daka ANTF bad ki Pulit ka Jylla kadei naka thain Ri-bbhoi bad na East Jaintia Hills. “Dangshen ha ka jingiatreilang hapdeng ka ANTF bad ki Pulit ngi la ioh kurup drok ba shongdor T.4.40 klur na East Jaintia Hills” ula ong. Ula iathuh ba naduh 2020 haduh 2025, ka ANTF bad ki Pulit ki la ioh kurup 400993.937 gm u drok heroine, 12756 kg ganja, 2.79636 kg opium, 76 kg yaba tablets, 14 kg white crystal meth bad 1,24906 tylli ki bilor codeine cough syrup.
Ha kine ki san snem, ki don haduh 1061 ngut kiba shah kem haba ia dei bad ki kam khaii drok bad la register 603 tylli ki mukotduma” ula ong. Ha ki san snem ka ANTF bad ki Pulit ka Jylla ki la ioh kurup ki jait drok ba shongdor ym duna T.412 klur bad mar shiteng ia kine ki drok la dep ban thang ha Star Cement East Jaintia Hills.
You may also like
-
Ka jingphet seng bad jingshah thied kinongïalam ki dawbah jingtlot ka Congress
-
Ka pateng mynta ka dei ban pynneh ia ka jingstad ba la ai ki kpa tymmen: Kong Deity Majaw
-
Palat sanspah ki dieng la pom, ka Project Shillong Ropeway kan iaid shakhmat
-
Kurup drok heroin ba T.7 lak ki pulit na 2 ngut samla
-
Ngi tip la ka bor ka buit ha ka saiñ pyrthei, kyrmen ngin poi sha ka jingjop:Prof. Batskhem