U Symbud Myntri Rangbah ka tnat Urban Affairs u Bah Snaiwbhalang Dhar u la ong ka sorkar kan iaid shakhmat ban pynkynriah ia ki nongdie madan Laitumkhrah, GS Road bad Civil Hospital. Haba kren sha ki lad pathai khubor u Bah Sniawbhalang ula ong, ba ïa kane ka kam yn pyndep noh ha u bnai Nohprah 2025.
U Bah Sniawbhalang ula ong ba ka Sorkar kan leh da kajuh ka buit ba la lamkhmat da u Myntri Sorkar barim u Bah Paul Lyngdoh ban pynkynriah ia ki nongdie madan na kylleng ki surok bad ki lynti iaid kjat ka sor Shillong.”Ngan leh kajuh kumba nga la leh ha Khyndai Lad” la ong u Bah Sniawbhalang ban pynksan ba ia kane ka kam la shimkhia hi da ka tnat Urban Affair haka jingiatreilang bad ka tnat Tourism ban pynitynnad iaka Sor Shillong.
Da kaba pynpaw ïa ka jingshaniah, u Symbud Myntri Rangbah ka Jylla u la ong “Ngi dang leh iaka ba donkam ban pyniaid sted iaka jingpynkynriah iaki nongdie madan bad nga thikna ba hapoh u bnai Nohprah ngin sa lah ban pyndep”.“Kumba long mynta ngi dang pyrshang ban wad ïa ki jaka kiba paka ban ai shong die iaki nongdie madan khnang ba maki ruh kin nym duh ban kamai” ula ong.
You may also like
-
Shimkhia ka Sorkar Meghalaya-Assam halor ka jingïakynad ha Lapangap
-
Iaid iaid paidbah ka JSU, JNC ban pyrshah Public Hearing ka Shree Cement
-
Ha ka jingtohkit lap ksai ki pulit ba don ki briew ba shoh ia u Trophimos
-
Ai jingmut ka FKJGP ban khang 4 sngi, plie 3 sngi ia ka surok Shillong-Pynursla-Dawki
-
Rah ka Mawlai Presbyterian ha ka ïakob rwai tynrai bad u Reward ha ka iakob iathuh khana puriskam