Ka State Disaster Response Force (SDRF) hynne ka sngi ka la ioh sei ka met iap ba shah tap twa khyndew ha Mawdiangdiang, East Khasi Hills District. U Bah PH Shylla, Senior Staff Officer & Addl. PRO ka Directorate jong ka Civil Defence bad Home Guards Meghalaya, ula pyntip ka District Disaster Management Authority (DDMA), East Khasi Hills mar ia ioh jingtip ka la leit sha katei ka jaka.
Ka kynhun SDRF hapoh ka jingialam u Inspector T. Tynsong ka la poi ha ka por 2:42 noh phai sngi bad katei ka la jia katba ki nongbylla ki dang tih khyndew ban pynieng paia iing, hynrei ka kyndew ba shajrong ka la twa kynsan bad tap ia ka thliew ba tih ban pynieng paia. “Ha katei ka jingjia uwei u nongbylla ula shah tap ha ka khyndew ba twa bad hadien 1 kynta ka kynhun SDRF ki la ioh sei ia ka met ha ka por 4:10 janmiet” la ong u Bah Shylla.
Ula pyntip ia met la ai ha ki bor ba dei peit ryngkat ka jingdonlang ki pulit ka Mawdiangdiang Police Outpost, u Rangbah Shnong ka Mawdiangdiang, u Trai katei ka jaka ba pyntrei bad ki nongbylla ba iatreilang.
You may also like
-
Pynkup burom ia saw ngut ki tymmen ha ka sngi rakhe ki riew tymmen
-
Iatehlok ka Vi Business bad ka Cisco ban pynkhlain ia ka jingtyrwa ia ka SD-WAN
-
Ki Facilitation Centre ki dei ban don Food Court”
-
4 tarik yn wan u Amit Shah ban kynduh ia 8 ngut ki MLA ba iasoh BJP
-
Thud ki nongleit nongwan ba pynieng kali jot ha surokbah Nongpoh