Haduh 90 percen la dep ka jingtrei ia ka Tura Medical Kolej

U Myntri ka tnat ka Koit ka Khiah u Bah Wailadmiki Shylla ula pyntip ka Sorkar ka dang ap ia u Myntri Rangbah duh ka Ri u Narendra Modi ban buh tarik ban plie ia ka Shillong Medical College.U Bah Wailadmiki ula iathuh ruh ka jingpyntrei ia ki jingtei ka Tura Medical College la dep ym duna ia ka 95%. Haba kren sha ki lad pathai khubor u Bah Wailadmiki ula ong, ka sorkar ka la pyrshang ban buh tarik ban plie ia ka Shillong Medical College hynrei ka hap ban sangeh noh namar ki jingiatakhuh bad kiwei ki kam. “La ar sien ngi la rai ia ki sngi plie, hynrei ki la mih noh kiwei ki kam, kumta ngi la hap ban pynsangeh shuwa” ula ong.

U Bah Wailadmiki u bynrap ba ka sorkar ka dang don beit hapdeng ka jingiakren bad ka Ophis u Myntri Rangbah Duh ka Ri. “Wat haduh mynta ngi dang ka jingiakren bad ngi dang ap ia ka tarik na u Myntri Rangbah Duh. Dang shen nga la pynkynmaw ia u Myntri ka Koit ka Khiah ka ri ha ka jingplie ia ka ARHI Hospital ba ngi dang ap ia ka tarik bad ka por na u Myntri Rangbah Duh” ong u Bah Wailad. Halor ki kam jong ka Tura Medical College, u Bah Wailad ula ong ba ki jingtei ki la jan dep artad. “Ki jingtei ki la dep kumba 95% lada phi iakren halor ki jingtei. Halor ka jingthung kam, ngi la dep pynmih ia ka jingpynbna ban thungkam nonghikai” ula ong.

Hynrei ka jingwan thep kam ka long kyllain. “Sngewsih kiba aplai ki duna bha, hynrei ngi dang kyrmen ba ngin ioh ia baroh ki nonghikai ba donkam” bynrap u Myntri.