U Myntri Sorkar ka Sorkar Jylla u Bah AL Hek hynne ka sngi ula hiar da lade sha Sohra ban lum jingialang haba ia dei bad ka jingwad ia ki shikurim ba jah naduh 23 tarik mynta u bnai. Lah ban kdew ba ki shikurim kata ka Sonam Raghuvanshi bad u Raja Raghuvanshi na nongbah Indore, Madhya Pradesh ki la jah ha ki thain Sohra.
Haka jingialang u Bah Hek u la ban jur ia ka jingdonkam ban treibor bah bad ka jingiatreilang hapdeng baroh naduh ki tnat treikam Sorkar, ki Pulit, ki bor District bad ki paidbah ban wad ia ki shikurim kiba dang jah rngai. U Bah Hek ula pynpaw ruh ba ka Sorkar ka kyrshan tyngeh ia kiba don bynta ha ka jingwad paidbah ia ki lanot khnang ban lap noh ia ki.
Haduh mynta ka jingwad ia ki shikurim ka dang bteng ha kaba la pyndonkam ruh da ki ksew K9 units, ki Dones jong ka North Eastern Space Applications Centre (NESAC), bad ki Pulit jong ka Special Operations Team (SOT), Ka jingwad paidbah ka dang iai bteng ha ki thain Nongriat-Pyndemdkhar-Mawlakhiat, Mawsahew-Wahkaliar, Weisawdong, Mawkdok, Umdiengpoh, Sohra Rim nalor ki bynta ka surok Shillong-Sohra Road.
You may also like
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District
-
Bthah u DC ia ki pulit ban khynra kam die met ha Khyndailad bad kiwei ki jaka
-
Plie u Conrad ia ka kamra ba 50 thymmai ba jingthiah ha DMCH Tura.
-
Husiar paidbah wat ngeit ia ki ‘Social Media’ peit ia ki kam, ong u Bah Prestone