Ka Committee on Estimates ka Meghalaya Legislative Assembly hapoh ka jingialam u Chairman Bah Mayralborn Syiem MLA ka Nongpoh, ka iakynduh ia ki dkhot jong ka Committee on Estimates ka Rajasthan Legislative Assembly ha Jaipur hynne ka sngi. Katei ka jingialang ka long ban ia phylliew jingmut bad iasam lang ia ki jingtip halor ki rukom treikam jong ki Committee na ka jylla Meghalaya bad Rajasthan.
Ha ka jingialang la iakren ban peit jngai halor ka kam pisa tyngka ban pynkhlain ban wanrah ka jingkylla bad pynbha ia ki lad treikam ban peit ia ka rukom pynlut pynsep ki sorkar jylla.Ki Committee ki la pynpaw ia ki jingshem jong ki ha ka rukom treikam jong ka Legislative bad pynthikna ia ka jingkhein bakhuid ia ka jingshakri ka sorkar ia ki paidbah. Ka kynhun na Meghalaya ka kynthup ia u Bah Mayralborn Syiem (Chairman), ka Miani D. Shira, u Remington G. Momin, u Bah Damanbait Lamare bad u Bah Gabriel Wahlang.
Katba ia ka Rajasthan Legislative Assembly Committee la mihkhmat da u Arjun Lal Jeengar (Chairman) ryngkat bad ki dkhot kba kynthup ia u Amit Chauhan, Arjun Lal, Arjun Singh Bamaniya, Gurveer Singh, Chhotu Singh, Jeevaram Choudhary, Pratap Singh Singhvi, Manoj Kumar, Shanti Dhariwal, Shri Samaram bad u Harendra Mirdha. Kum shibynta jong katei ka jingleit jngoh, ka kynhun na Meghalaya ka la leit ruh ban iakynduh ia u Lamphang ka iingdorbar thawain ka Rajasthan.
You may also like
-
Mynjur ka sorkar ban thaw ia ka Sixth Meghalaya Pay Commission
-
Kurup ki pulit shibun ki kuli MMG na khlaw ha Williamnagar
-
10 lak iarap u Dy.CM Sñiawbhalang Dhar shaka KJP Assembly naka bynta ka Gospel Concert
-
Bat ka KSU 4 ngut ki khar Bangla, suba ba siew T.45 hajar marwei ban rungtuh na Meghalaya
-
Kynduh ki nongialam KSU ia ki nonghikai KJDSTA ban ai jingkyrshan ia ki jingiakhih
