Ha ka sngi rakhe iaka Armed Forces Flag Day, iong ki shipai, u Col. GK Rai (Retd.) u badei ruh u Director ka Sainik Welfare Board u la leit kynduh ïa u Lat ka Jylla u CH Vijayashankar, ha Raj Bhavan Shillong. Ha kane ka jingia-kynduh, u Col. Rai u la pyndait ia ka lama jong ki shipai ha ka shadem jong u Lat ka Jylla kaba pyni ia ka jingburom bad jingsngewnguh jong ki shipai.U Lat u la ai khublei ia ki jingnoh synniang ba kordor jong ki shipai sha ka jingshngain bad jinglong ba janai jong ka jaitbynriew ka Ri India.
Kum ka jingpynpaw ïa ka jingsngewnguh ïa ka jingshakri ba khlem pyrkhat ïalade jong u Col. Rai, u Lat u la synniang ruh daka song pisa kaba T.25,000.U Lat u la ai jingiaroh ia ki shipai haka sngi rakhe Armed Forces Flag Day daka ba pynpaw ka jingdonkam ban iatylli.
U la pynskhem biang ia ka jingkular jong u ban kyrshan ia ki jingthmu kiba burom bad iarap ia ka imlang sahlang jong ki shipai ha Meghalaya bad shabar. Ia ka sngi Armed Forces Flag la rakhe man la u snem ha ka 7 tarik u Nohprah ban burom ia ki shipai bala len lada bad ki riewshlur bad ban kyrshan ia ki bahaiing hasem jong ki.
You may also like
-
Ryngkat ki lama iong iaid Rally ka KSU, shah thang bad pynjulor ki kali sorkar, khang bun ki dukan
-
Buh mawnongrim u Bah Renik ia 2 tylli ki projek ha Jakrem
-
Lai tylli ki shnat treikam pynkha ka KSU
-
Plie u MR ia ka Solar Photovoltaic Plant ba 50 KW ha St.Mary’s
-
Khynra bad khang dukan kiad ka Seng Longkmie, HITO bad JNC