Kum shibynta ban ai rynsan ïaki briew kiba don jingduna haki dkhot met ban pyni ïaka sap ka phong jong ki haki kam shad, kam Rwai, ki kam ak drama bad kumjuh ruh ban nang pynshlur ïaki ha kiwei kiwei ki kam, mynta ka sngi naka liang ka Composite Regional Centre for Skill Development, Rehabilitation and Empowerment of Person With Disabilities (Divyangjan) CRCSRE, Shillong Meghalaya ka la pynlong ïaka Purple Fair for Divyangjan kaba dei ruh ka sien kaba nyngkong eh hapoh ka jylla ïakaba la pynlong ha Nongpoh Parish Hall.
Ïa katei ka program la ia snohkti lang daka ophis u Deputy Commissioner ka Ribhoi District lem bad ka Ophis jong ka District Social Welfare Ophisar, Nongpoh Ribhoi District. Ha katei ka Program nalor ka jingailad iaki briew kiba don iaki jingduna haki dkhot met haki kam shad kam Rwai la ai ruh iaka rynsan ban pyni ïaki sap ki phong jong ki haki kam shna jingshna ki kam thaiñ bad ki kam saiñ umsoh.
Ha katei ka program la wan ban ïadonlang da u Abhilash Baranwal IAS Deputy Commissioner ka Ribhoi, kum u kongsan haka jingiadonlang ka kong B Rani ADC Ribhoi, kong NF Sun DSWO Nongpoh, Ram Shaka Sahani Director CRCSRE, Shillong, kong Priska Pyngrope Kum ka Ambassador Purple Fair lem bad ki 526 kiba la wan ban ia shimbynta na kylleng ka Ribhoi District kiba kynthup ïa 247 Ki duna haki bor dkhot met, ki Nongtrei ka koit khiah bad kiwei kiwei.Shuh shuh ïa katei ka Purple Fair la wan ruh ban jngoh da u Symbud Myntri Rangbah ka jylla u Bah Prestone Tynsong hakaba la ia synran lang daki 4 ngut ki MLA jong ka Ribhoi.
You may also like
-
Ka jingleit iasoh BJP 8 ngut ki MLA UDP ka lah ban wanrah jingkylla ia ka sain hima ha Jylla
-
Ther u Sosthenes Sohtun ba kynnoh ïa ka Meghalaya ba shlei um ka Assam
-
Shong Kyllain Mungor ki nongtrei PM Poshan, dawa pynkiew bainong
-
T.344.4 klur mang ka sorkar ban iada ki tyllong um ka Wah Umiew bad Ganol“Ka project ban myntoi ki nongshong shnong”
-
Leit jngoh u Myntri ia ka shnong Maikhuli Bthah ia u DC ban iakren bad ka Assam ban wanrah shongsuk hapdeng ki ar District