Ioh kyrdan banyngkong ka MLCU na ki skulbah ha Meghalaya

Ka Martin Luther Christian University (MLCU) Shillong, ka la ioh kyrdan banyngkong napdeng ki skulbah shimet ha Meghalaya, ba 2 ha thain lammihngi bad ba 60 ha ka kyrdan IIRF ha ka ri India mynta u snem, 2026.

Ia kane la pynbna da ka International Institutional Ranking Framework (IIRF) ba la ithuh da ki jaka pule ba kham halor na ka bynta ka jingtbit ha ka jingpule, ka jingwad bniah, ka jingpynrung kam bad ka jingtreikam ki jaka pule baroh kawei.

Ka Martin Luther Christian University (MLCU) Shillong, ka la ioh kyrdan banyngkong ha ka Jylla na ka Education World India

Higher Education Rankings 2026, Meghalaya ha ka Education World India Higher Education Ranking 2026 ba dang shu dep, kaba pynskhem ia ka kyrdan kum ka jaka pule ba pawkhmat ha ka jylla.

Ka jingpynbeit kyrdan jong ka EducationWorld ka dei hadien ka jingbishar bniah ïa ki skulbah ha ki kyndon bapher bapher, ha ka ri kynthup ïa ka nam ha ka jingpule, ka jinglah ki nonghikai, ka rukom hikai, ki jingtei, ka jingkyrshan ïa ki samla pule, ka jingwad bniah bad ki jingmih na ka jinglah ban ïoh kam.

Kane ka jingjop ka pyni ia ka jingaiti jong ka MLCU ha ka jinghikai ba pynkylla dur bad ka jingjop ki samla pule. Ngi sngewnguh ia ki samla pule, ki nonghikai, ki nongtrei, ki samla pule barim bad ki paralok kiba la pynlong ban ithuh kum ka jaka pule ba pawnam ha ka thain shatei lammihngi, ka MLCU kan iai bteng ban jinghikai ba bha ia ki samla pule na bynta ka lawei kiba noh synniang ha ka imlang sahlang.