Ka Marwadi University kan pynlong ïa ka lympung jingialang ka Vibrant Gujarat Regional Conference 

Kaba la tei halor ka jingseisoh jong ka Vibrant Gujarat, ka Marwadi University ka la thmu ban pynlong ïa ka Vibrant Gujarat Regional Conferences (VGRC) ha ka jaka jong ka. La pynbeit ia kane da ka sorkar Gujarat, ia kane ka lympung jingïalang la pynbeit ban  pynlong ha ka 11 bad 12 tarik Kyllalyngkot 2026.  Daka jingthmu ban pynlong ym tang ïa ka Saurashtra hynrei ïa ka jylla Gujarat baroh kawei kum ka jylla kaba paw ha ka pyrthei ha ka liang ka pule puthi, kane ka skulbah ka la ai ia ka MoU kaba long ₹1,000 klur ka MoU sha ka tnad pule puthi, ka sorkar Gujarat. Kane ka jingbei pisa ba la tyrwa kan wanrah jingkyrshan ïa ka jintei kaba bha bad katkuk ka juk ba mynta, ba kynthup ia ka jaka pule ba pynkha thymmai ban don ruh ki laboratory kiba katkum ka juk ba mynta, ki jaka ïalehkai sports kiba katkum kine ki sngi ba mynta, bad ki jaka sah kiba bha. Shuh shuh, yn don ka jaka kaba heh 10,000 square feet na ka bynta ki jingshna kiba long katkum ki buit stad ba mynta bad ki jingseng ia ki kam thymmai, ryngkat bad kiwei pat ki jaka pule kiba thmu ban ai jinghikai na ka bynta kito ki briew kiba la trei bad ki nongsem kam lajong..

Haba pynksan ïa ka mat phang “Vocal for Local”, ïa ka VGRC yn pynlong ha ki saw jaka jong ka — Shatei, Saurashtra-Kutch, Shathie, bad ha Central Gujarat. Ha kane ka lympung yn sakhi ia ka jingïashim bynta jong ki ri ba pher ba pher kum ka Japan, South Korea, Vietnam, bad ka Netherlands, lem bad ki seng kum ka JETRO, ICBC, USISPF, World Bank, bad ka Russian Federation. 

Haba pynpaw ia ka jingkmen halor kane ka kabu kaba bha, U Dhruv Marwadi, Trustee jong ka Marwadi University, u la ong, “Ka long ka jingsarong ïa ngi ban ïoh ban pynlong ïa ka Vibrant Gujarat Regional Conferences na ka bynta ka jaka Kutch–Saurashtra. Kum ka jaka pule kaba don tynrai ha ka jingpynwandur thymmai, ka jingiadei bad ki karkhana, bad ka jingpyntbit ia ki sap ki phong, ngi sngew sarong ban wanrah ïa kane ka rynsan kaba   pynroi ia ka jingiatreilang hapdeng ki karkhana kiba na ka ri, ki karkhana ba dang sdang, ki bor sorkar, bad ki nongbei tyngka kiba na kylleng ka pyrthei. Ngi thmu ban ïai trei ban wanrah ka jingkylla sha ka jingroi jong ka Gujarat bad ban noh synniang sha ka jingthmu jong ka Viksit Bharat.”