U Myntri ka kam jngohkai pyrthei u Bah Paul Lyngdoh uba long ruh u nongaiktien ka sorkar jylla ula ong, ba shen yn pyntrei noh ban shna pynheh ia ka kad liengsuiñ Shillong Airport bad yn da la dep ia kane ka projek kan iarap ban kyntiew ia ka kam jngohkai ha jylla.
Haba iakren bad ki nongthoh khubor hynne ka sngi u Bah Paul ula ong, ka projek ban pynheh ia ka Shillong Airport kan iaid shakhmat bad ka jingkhot tender ka dang iaid bad kumta shen yn sdang noh ka jingpyntrei ia kane ka projek.
Ula ong ka kad liengsuiñ kan wanrah ia ki jingkylla bad mynta ka jingkhot tender ka la iaid shakhmat ban pyntrei ia kane ka projek mynta u snem bad la khmih lynti ban pyndep ha kaba kut u snem, 2026 bad kane kan iarap ban kyntiew ka kam jngohkai pyrthei ha jylla. Ula bynrap ka sorkar ka la shimkhia ia ka jingthmu ban wanrah ka jingshakri da ki Helicopter ha ki jaka jngohkai ba pawnam kynthup ha Umiam, Sohra, Dawki, Shillong bad Mawsynram.
You may also like
-
Ka jingrakhe lyngkhuh 139 snem ka Balang Unitarian ka long ban pynthymmai ia ka jingngeit
-
Ka AMMRPWU kam don bynta shuh bad ka JAC: Bah Nazarius K Lanong
-
Shah kawang Petrol bom ka Lumdiengjri PS, julor ka kali DHS ba kem ding
-
Iakynduh ka kynhun ki Nongthoh khubor na UP ia u Lat ka Meghalaya
-
Noh synniang ka APSTA da ka ‘Charity Home’ ha rakhe sngi iap u Thomas Jones