Kam u Hynmen ba dangim ka Sonam, namar bym lap ia met la 15 sngi

U Hynmen jong ka Sonam Raghuvanshi ula suba ba ka para jong u, ka dang lah ban im namar la 15 sngi ym shym la lap dien satia ia ka met lada dei ba ka la iap. U Govind uba dei uhynmen ka Sonam, ula ong ba ki kynhun pulit ki la trei bad wad ia ka la 15 sngi bad lada dei ba ka la iap ladei ban sma namar ba ki kynhun pulit ki SDRF, NDRF ki la hiar ban wad hynrei ym shym la iohi dak eiei ia ka para jong u bad u la kyntu ia ka sorkar jylla Meghalaya ban tohkit ha kata ka rukom ban lap lada ka dang im. “ La bun sngi la iaid haduh 15 sngi, nga sngew ba lada ka la iap ladei ban lap ia ka metiap tang naka jingsma, hynrei ym shym la lapdien eiei bad nga kyntu ia ka sorkar ba kan tohkit bha ia kane ioh ba ka dang im,” ong u Hynmen ka Sonam.

U Hynmen ka Sonam ula ong ruh ba katkum ka jingsngew jong u, ka sonam ka dang lah ban im bad ula kam kane ka lah ban dei ruh ka kes ba shah rahbor.“ Haba nga peit manga, nga ioh ba kane ka kes baroh kadei ka kes jingshah rahbor,” ula kam. Ula ong ba haiing hasem jong u baroh ki la lynga pisa bad sngewsih ia kane ka jingjah rngai slem ka sonam. “ Naduh ba wanrah ia ka metiap u Raja, ha iing hasem kila shu ia iam namar ba ia ka sonam ym pat lap,” ula ong.

Ula bynrap ba dei ban ai tohkit CBI khnang ban lap noh ia ka namar la bun sngi ym shym la lap. “ Nga kyntu ia ka sorkar ba kan aiti noh sha ka CBI namar hangne ki wad beit ia ka metiap hynrei kidei ban ialeh ban wad ia ka, ioh ka dang im,” ula ong.