Kaweh lama ka Toyota Kirloskar Motor ban pynpaw ïa ka jingsdang jong u bnai na bynta ka mariang jong u snem 2025, ka mat phang kaba la ai kyrteng “Sustainable Resource Management Drive”

Ka Toyota Kirloskar Motor (TKM) hynne ka sngi ka la kaweh lama na ka bynta ka jingsdang jong u bnai iada bad pynneh pynsah mariang ne Environment Month 2025, kaba pynskhem ïa ka jingkut jingmut jong ka na bynta ka jingpynneh ïa ka mariang lyngba ka mat phang ba la ai kyrteng da ka, “Sustainable Resource Management Drive”. Kane ka jingsdang ka ïahap bad ka jingthmu kaba iar jong ka Toyota Environmental Challenge 2050 bad ka mat phang kaba ha kylleng ka pyrthei ba la khot ka, “Enhancing Awareness Towards Realising Toyota Global Vision 2050”. Kane jinghmu jong kane ka jingialap ka long ban nang pynkhlaiñ shuh shuh ïa ki kam kiba iadei bad jingpynneh mariang ha kylleng ka kompany bad ha ki jingtrei kam bapher bapher jong ka. Kawei na ki bynta ba kongsan tam jong kane ka jingthmu mynta u snem ka long ïa ka jing pynsdang ïa ka ‘Zero-Base Thinking’ – ka rukom treikam kaba kynthup ïa ka jing peit bniah ïa ki tiar ba pyndonkam naduh ka jingsdang bad ban pynneh tang ïa kito kiba noh synniang shisha, ban kynirew ïa ka bor treikam ban pynneh pynsah ha ka rukom kaba biang lyngba ka Refuse, Recycle (circular economy ne ka ioh ka kot kaba tyllun), Reuse bad Reduce (4Rs).

Kaba rakhe man u bnai Jylliew, ka Global Environment Month jong ka Toyota ka long kum ka rynsan ban wanrah ia ki rukom treikam kiba ïadei bad ki jingeh kiba don ha ka mariang. Kane ka jingpynlong ia ka jingrakhe mynta u snem 2025 ka treikam halor ka jingpyrshang ba ïai bteng ban nang pynkhlaiñ shuh shuh ïa ki jingai jingtip bad ki jingïatreilang, ha ka juh ka por ban pruid dak ïa ki 25 tylli ki snem jong ka jingïaid lynti ba seisoh jong ka TKM ha India bad ban bad pynpaw ia ki jingjop ha ka liang ki kam pynneh mariang lyngba ka phang ‘Journey to Green @ 25’.

Haba kren shaphang kane ka jingpynlong, U B. Padmanabha, Executive Vice President and Director – Manufacturing, Toyota Kirloskar Motor u la ong, “Ha TKM, ki kam kiba iadei bad ka mariang ki la suhthied bha ha ka nongrim jong ngi bad rukom treikam jong ngi ruh.. Une u bnai iada mariang ne Environment Month ym dei tang u bnai ha ka kalendar jong ngi, u long kum ka jingkhot ia baroh ba dei ban shim ia ki sienjam ha ki kam bapher bapher jong ngi bad noh synniang shitrhem ban pynlong ia ka mariang sawdong sawkun kaba jyrngam. Ka jing kut jingmut jong ngi sha ka ‘Zero Base Thinking’ ka nang ai mynsiem ïa ngi ban nang trei kham palat ban ïa ki jingkylla kiba rit, bad ban pdiang ïa ki lad jingkylla kiba wanrah ïa ka jingpher kiba neh. Man kawei pa kawei ka jingsdang, la pynwandur ym tang ban wanrah ïa ka jingïatreilang na kiba don bynta ha ka kompany hynrei ban ai ruh ïa ki jingtip janai halor ki rukom im ki ban pynneh ïa ka mariang bad ki jing rukom thymmai kiba jyrngam.”