Ka Khasi Students Union (KSU) hynne ka sngi ka la leit ban khang khyrdep ia ki bun ki ophis treikam kiba don ha sor Shillong bad ha khap sor. Kane ka jingleit khang khyrdep ka KSU ia ki ophis treikam kadei namar ka jingbym burom shuh jong ki ophis ia ka shuti lehniam leh rukom kaba shisien shi snem jong ka Hima Khyrim kaba la ju tip paidbah kum ka Shad Nongkrem, wat haba ka sorkar ruh ka la pynbna kum ka sngi shuti.
Ki ophis treikam kiba ka KSU ka la leit ban pynsahngeh hynne ka sngi ki kynthup ia ki Bank,ki Post Ophis, ki Ophis jong ki Company ka la sdang naduh ki Thain Upper Shillong, Lumdiengjri, Motphran ter ter shaduh ki thain Khyndai Lad, Keating Road, Laitumkhrah, Nongthymmai,Nongmensong bad kiwei kiwei ruh ki dong ki Shnong.
U Information & Publicity Secretary ka KSU CEC u samla Pynshai Rani ha ka kyrwoh khubor, ula maham tyngeh ia baroh ki ophis treikam ba nangne shakhmat haba don ki sngi kyrpang jong ka jaitbynriew kum ka lyngkhuh sngi iap U Tirot sing, Kiang Nangbah, SoSo Tham, Shad Suk Mynsiem, Sengkut Snem, Behdeinkhlam ki dei ban kynmaw kyndiang bad kim dei ban ap haduh ba ki dkhot ka seng kin wan phah khang, hynrei ki dei ban sngewthuh kaei ka bynta ba ki dei ban leh ban niew.
You may also like
-
Noh synniang ka APSTA da ka ‘Charity Home’ ha rakhe sngi iap u Thomas Jones
-
Balei phim rung BJP ban ioh plie dewiong, ong u Amit Shah ia ki MLA UDP
-
“Ngeit ha lade bad wat kynran dien” kyntu u Dr. Shakil ia ki samla
-
Kan long kaba sngewsih lada ka UDP ka khyllem noh kum ka Party riewlum: Paul
-
Pynlong ka ophis u DSO Nongpoh ïa ka 2nd CMYEP ha Bhoirymbong Block