Ka tnad Music ka Martin Luther Christian University (MLCU) ka la pynlong ka tamasa ka tem ka put ba shisien shisnem ba la ai kyrteng, “Ha Jylli Ki Khriang” hynne ka sngi. Ha kane ka sngi la pyninam ia ka jingriewspah ka rukom tem ia ki jingtem bapher kynthup ia ka Folk bad Folk Fusion ka thain shatei lammihngi ka ri India, Hindustani Classical Vocal, Rabindra Sangeet, Western Music bad ka Experimental Pieces da ki samla pule ha ki ktien ki bapher bapher.
Ka bynta ba kongsan ka dei ka jingpynisap ki samla pule jong ka Mary Rice Center Special Education, kaba la ialam da ki samla pule ka MLCU kiba la pyntbit ha ka jingpule ha ka Music Wellness. La pynkut ia kane ka janmiet da kaba pynkhalai nusib ia ki Donor’s Card ha kaba ki nongjop ki la ioh ia ka khusnam da ka Duitara ka jingtem ba shongdor T.5,000.
Ha shwa ban rung sha ka jaka pynlong tamasa, ka la don ka jingpyninam ia ki jingdro bad ia ki jingshna ki bapher na ka Centre Arts, Crafts bad Culture jong ka MLCU kaba la khring ia ki paitbah.
You may also like
-
Pyllait u Conrad ia ki bos ilektrik, shen ki Myntri sorkar kin iaid da kali ilektrik
-
Jop suk u James kum u MP Rajya Sabha bym don ba iakhun
-
Kumno ka L-Carnitine bad Green Tea ka iarap ban pynum ia ka khlein da kaba dih ia ka man la ka sngi
-
T.5 lak shisnem na MHIS, T.2 lak na CM Care ka bai sumar ia kiba pang Bampong
-
Pulom ka jingthmu pynkylla ain jied Waheh shnong ha Sohmynting ka JHADC