U nongïalam jong ka National People’s Party (NPP) uba dei ruh u kyrtong ka MDA-II u James K Sangma un shah jied kum u Member ka Parliament sha Rajya Sabha na Meghalaya khlem ka jingiakhun.
Kane ka dei namar u dei tang marwei na ki kyrtong ban thep kyrteng na bynta ka ilekshon ban long ha ka 18 tarik Jylliew.
Ia ka jingpeit bniah ïa ki kot ki sla ban thep kyrteng na ka bynta ka shuki MP Rajya Sabha ba marwei jong ka Meghalaya la pynlong ha ka 9 tarik Jylliew ha Assembly Secretariat.
U Returning Officer bad Assembly Secretary u Malthus S Sangma ula lap ba ki kot ki sla jong u James K Sangma ki biang pura bad la pdiang ïa ki, ong ki heh Sorkar.
Lah ban kdew ba u James uba dei ruh u Myntri Sorkar barim ula thep kyrteng ha ka 8 tarik u Jylliew ban ïakhun ïa ka shuki MP Rajya Sabha.
Namar ym don pat kiwei ki kyrtong ba wan thep kyrteng, ka 11 tarik Jylliew ka dei ka tarik ba khatduh ban weng kyrteng bad kane kan long ka sienjam ba khatduh shwa ban pyndep ïa ka ilekshon.
You may also like
-
Nga la iakynduh bad iakren ia ki MLA, kim shym pynpaw ban leit rung BJP: Metbah
-
T.186 klur siew tulop ka sorkar ia ki nonghikai Kolej shimet
-
Ka Rope Way kam wanrah jingma ne pom dieng pathar ha Lum Shyllong: Paul
-
Ym pat siew bai lutksan ban shna surok Six Lane na Jorabat-Umiam bad High-Speed Corridor na Umiam sha Silchar: Prestone
-
Ai u Myntri Rangbah T.5 lak ban pynbha u mot Subhas Chandra Bose bad Swami Vivekananda