U President ka United Democratic Party (UDP) uba dei ruh u Myntri sorkar u Bah Metbah Lyngdoh ula kam ba ka Party kan leh kham bha shuh shuh ha ka ilekshon MLA 2028. Haba kren sha ki lad pathai khubor u Bah Metbah ula ong, ba ka UDP ka don jingkyrmen bad ka jinglong jingman ha ka sain hima ka thew shata ba ka Party kan sa leh bha ha u 2028.
U Bah Metbah ula iathuh ha ka ilekshon MLA 2018, ka UDP ka jop duna ki seat hynrei ha ka ilekshon MLA 2023 ka la jop arshah lada nujor bad u snem 2018. “Kumba ka long mynta nga thikna ba ngin jop ar shah ha ka ilekshon MLA 2028, nalor kiba la jop ha u snem 2023” la ong u Bah Metbah.
U President ka UDP ula ong, ba ki paidbah mynta ki la sngewthuh ia ka jingdonkam ki Party riewlum ban ialam ia ka Sorkar. “Namar kata ngi kyrmen ba ki paidbah kin ai ka jingkyrshan ia ka UDP ban ialam ia ka Sorkar” ula ong.
You may also like
-
Ka VPP ka iada jinglong kyrpang ka jaidbynriew
-
Sdang ka Ri-Bhoi District Level Youth Parliament ba ar sngi
-
Ther u Symbud Myntri ïa Bah Ardent ba pynlong politik halor jingiap khynnah
-
Hapoh ka 2 snem ki liengsuiñ baheh kin sa lah ban hiar ha Shllong Airport
-
Aiti u bah John ïa ki Article 338 bad 338A ha u MP Rajya Sabha ban pynbeit