Ki Shipai BSF ha ka Lah sngi u Blei ki la ioh ban pynpulom ia ka kam khaii tuh sha ri Bangladesh da kaba ioh kurup noh ia 1730 bilor ka dawai jyrhoh be-ain ka Phensedyl. Haba ki la ioh ia ki jingtip kiba thikna, kumta ki shipai jong ka 22nd Battalion BSF ki la leit ban pynlong ia ka jingkhynra bad ki la ioh kurup 1,73 bilor ka Phensedyl kiba la buhrieh ha ka thain khappud da ka jingthmu ban ioh khaii tuh sha ka ri Bangladesh. Ki BSF kila aiti noh ia kitei ki dawai Phensedyl kiba la ioh kurup sha ka thanad pulit ba kan leh ia kaba donkam.
Ha kawei pat ka jingkhynra, ka 4th Battalion BSF kaba don ha Dawki ka la ioh kem ia 3 ngut ki nong Bangladesh kiba dang pyrshang ban rung tuh shapoh ri India bad ha ka jingtohkit bniah kine ki riew shimet kila phla ia ka kyrteng ka jongki kaba la tip kum u Faruk Ahmed (37 snem ka rta) na Mymensingh district, u Md Samim (49 snem ka rta) na Dhaka district bad u Md Sushu Miya (39 snem ka rta) uba na Chandpur district, Bangladesh.
Ia kine ki 3 ngut ki nong Bangladesh la aiti noh sha ki pulit jong ka Dawki Police Station ban pynlong ia ka jingtohkit bad ban leh ia kaba donkam katkum ki lynti jong ka ain.
You may also like
-
Pan jingkyrshan ki MDC Congress JHADC ia u Vincent H Pala da kaba pyrto ruh iaki kam ka Congress
-
Yn nang kiew ki nongmihkhmat ka HSPDP ha u 2028 : KP Pangiang
-
Bam duh ka ding ba klang ïa ka godown ha Demseiñiong
-
Plie u MLA Ranikor ia ka iingskul thymmai ka Khlur Rit Govt. Skul L.P. School
-
Ban ïoh rung World Record 1000 tylli ki ksing yn tem ha Wangala